.

چائے کے پیالوں میں فن کا طوفان بپا کرنے والی سعودی خاتون

پہلی اشاعت: آخری اپ ڈیٹ:

سعودی عرب میں تجریدی آرٹ کی فنکارہ لیان الجہنی نے چائے کے کپ کو فن پاروں میں تبدیل کیا ہے، سوشل میڈیا پر اسے سراہا جا رہا ہے۔

سعودی فنکارہ لیان الجہنی نے پورٹریٹ کا آرٹ اپنے طور پر سیکھا ہے۔ اب وہ چائے کے کپ اور گتے پر پسندیدہ شخصیات کی شکل وصورت بنا کر ہزاروں صارفین کی نظر میں آگئی ہیں۔


الجہنی نے العربیہ نیٹ سے گفتگو میں لیان الجہنی نے کہاکہ آرٹ افکار و خیالات کے اظہار اور انسانی شخصیت کو اجاگر کرنے کا خوبصورت ذریعہ ہے۔ آپ اپنے ذہن میں پنپنے والے تصورات کو مختلف طریقوں سے دنیا کے سامنے لاسکتے ہیں۔ اچھوتے فن کار اظہار کے لیے نئے طور طریقے آزماتے رہتے ہیں۔ میں نے بھی اس طرح کی ایک کوشش کی ہے۔

لیان الجہنی نے کہا کہ جب چائے کے کپس کو فن پاروں میں تبدیل کرنے کا سلسلہ شروع کیا تو میرے گھر والوں اور دوستوں نے مجھے حوصلہ دیا۔ انہوں نے تعریف بھی کی اور آرٹ کے اس نئے طریقہ کار کو خوبصورت تر بنانے کے لیے تجاویز سے بھی نوازا۔

سعودی فنکارہ کا کہنا ہے کہ معمولی چیزوں کو جمالیاتی شکلیں دے کر نمائش کا پروگرام ہے۔ امید ہے کہ ان کا یہ پروگرام کامیاب ہوگا۔