عالمی کپ:مراکش نے کینیڈاکوہرادیا،ناک آؤٹ مرحلے میں پہنچنے والاواحدعرب ملک

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

مراکش کی فٹ بال ٹیم کینیڈا کودوایک سے شکست دے کرعالمی کپ ٹورنا منٹ کے ناک آؤٹ مرحلے میں پہنچنے میں کامیاب ہوگئی ہے۔

مراکش کی ٹیم نے دوحہ کے الثمامہ اسٹیڈیم میں جمعرات کو کھیلے گئے میچ کے پہلے ہاف میں کینیڈا کے خلاف دو گول کیے تھے اور وہ ورلڈکپ کے گروپ ایف میں سرفہرست رہی ہے۔کینیڈا کی ٹیم مراکش کے خلاف صرف ایک گول کرسکی ہے اور وہ بھی مراکشی کھلاڑی کی اپنی غلطی کی وجہ سے ہوا تھا۔

تُونس، سعودی عرب اور قطر سمیت دیگر تمام عرب ٹیموں کے ٹورنا منٹ سے باہرہونے کے بعد مراکش واحد عرب ملک ہے جس نے رواں سال عالمی کپ دوسرے اور 16ٹیموں کے مرحلے میں جگہ بنائی ہے۔

مراکش نے سنہ1986ء میں میکسیکو میں کھیلے گئے ورلڈ کپ میں گروپ سولہ میں جگہ بنائی تھی اور اب 36 سال کے بعد وہ دوسری مرتبہ گروپ مرحلے سے آگے بڑھنے کامیاب رہا ہے۔اس نے رنراپ کروشیا سے دو پوائنٹس زیادہ کے ساتھ میچوں کا اختتام کیا ہے اور مجموعی طور سات پوائنٹس اسکورکیے ہیں۔

مراکش کے حکیم زیش کو میچ کے چوتھے منٹ ہی میں کینیڈا کے گول کیپرکی غلطی کی وجہ سے گول کرنے کا موقع مل گیا تھا۔اس کے بعد 23 ویں منٹ میں یوسف النصیری نے دوسراگول کردیا۔انھوں نے یہ گول اشرف حکیمی کے ایک شاندار طویل پاس پر کیاتھا۔

لیکن نایف اجورد نے وقفے سے پانچ منٹ قبل سام ایڈکوگبے کے کراس کو پاؤں کی ٹھوکر لگا کراپنے ہی جال میں پھینک دیا تھا۔اس طرح ٹورنامنٹ سے باہرہونے والے کینیڈا کے لیے کھیل میں واپس آنے کی امیدپیدا ہوگئی مگرکینیڈا کے کھلاڑی دوسرے ہاف میں برابری کے قریب پہنچ کربھی کامیابی حاصل کرنے میں ناکام رہے تھے۔

اب مراکش کا گروپ سولہ میں اگلا مقابلہ آیندہ منگل کو گروپ ای کی رنراپ ٹیم کے خلاف ہوگا۔اس ٹیم کا فیصلہ جمعرات ہی کو ہونے والا تھا۔

مقبول خبریں اہم خبریں

مقبول خبریں