سعودی ولی عہد کی سرپرستی میں اونٹوں کے العلا کپ کا آغاز

پہلے دن کھیلوں کی جانب العلا کیمل فیلڈ کے اندر شدید مقابلہ ، عالمی ایونٹ میں دیگر سرگرمیاں اور تقریبات بھی شامل

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

سعودی ولی عہد شہزادہ محمد بن سلمان اور رائل کمیشن برائے العلا گورنریٹ کے بورڈ آف ڈائریکٹرز کے چیئرمین کی سرپرستی میں اونٹوں کے لیے العلا کپ کے پہلے ایڈیشن کے مقابلے شروع ہوگئے۔ ان مقابلوں کو سعودی اونٹ فیڈریشن کے تعاون سے رائل کمیشن برائے العلا گورنریٹ کے زیر اہتمام شروع کیا گیا ہے۔

پہلے دن کے کھیلوں میں اونٹوں کے لیے العلا فیلڈ میں سخت مقابلہ دیکھنے میں آیا۔ عالمی ایونٹ میں اونٹوں کے مقابلوں کے ساتھ دیگر سرگرمیاں اور تقریبات بھی منعقد کی گئی ہیں۔ یہ سرگرمیاں ماضی اور حال کے مختلف پہلوؤں کو جوڑنے کا کام کر رہی ہیں۔ ’’العلا کیمل کپ‘‘ کے دوران زائرین پورے جوش کے ساتھ شریک نظر آ رہے ہیں۔ لوگوں نے مخصوص ملبوسات جو العلا کی فطرت اور اس کے بھرپور ورثے کی عکاسی کرتے ہیں زیب تن کر رکھے ہیں۔ ’’دی ہیریٹیج ولیج‘‘ میں ایک انوکھے تجربے سے لطف اندوز ہوا جارہا ہے۔ یہ تجربہ خاص طور پر العلا کیمل کپ کے لیے ڈیزائن کیا گیا تھا۔ مختلف قسم کے مقامی کھانے بھی موجود ہیں۔ مقامی برانڈز کے ساتھ۔ ہاتھ سے تیار کردہ ورثے کی مصنوعات اور فن سے متعلق سرگرمیاں جاری ہیں۔

العلا کیمل کپ میں شریک اونٹ

منگل کو 4 کلومیٹر کی دوری کے لیے 6 میراتھن دوڑیں منعقد کی گئیں۔ ان دوڑوں کو دو کیٹگریز میں تقسیم کیا گیا ہے۔ ایک "حیل اور ثنایا بکار " اور دوسری کیٹگری "زمول اور ثنایا قاعدان" شامل ہیں۔ پہلے راؤنڈ میں’’ فارس فرج الجھنی‘‘ کے اونٹ نے پہلی پوزیشن حاصل کرلی۔ دوسرے راؤنڈ میں ’’ سالم عبید اللہ الحویطی‘‘ کا اونٹ فتح یاب ہوگیا۔ تیسرے راؤنڈ میں ’’فارس سالم البلوی‘‘ کا اونٹ اور چوتھے راؤنڈ میں ’’ سلیمان حمدان البلوی‘‘ کے اونٹ نے کامیابی حاصل کی۔ "سعید محمد العصری الخیلی" کے اونٹ نے پانچویں راؤنڈ میں برتری حاصل کی۔ چھٹے اور آخری مقابلے کا فاتح ’’حمزہ عادل الدعدی’’ کا اونٹ رہا۔

العلا اونٹ کپ کے دوسرے دن کے مقابلے بدھ کو بھی جاری ہیں۔

مقبول خبریں اہم خبریں

مقبول خبریں