بے گھر شخص کو اپنے ہاتھوں سے پانی پلا کر عراقی بچی نے دل موہ لیے

مختصر ویڈیو کلپ سوشل میڈیا پر جنگل کی آگ کی طرح پھیل گیا، بچی کے ہمدردانہ رویے کی تعریف

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

بچپن کی معصومیت کے تمام معانی کے ساتھ ایک عراقی بچی نے اپنے رویے سے سوشل میڈیا کی ویب سائٹس پر خوب تعریف سمیٹ لی ہے۔

عراقی بچی کا ویڈیو کلپ جنگل میں آگ کی طرح سوشل میڈیا پر پھیل گیا۔ اس ویڈیو کلپ میں دیکھا جا سکتا ہے کہ عراقی لڑکی ایک بے گھر معمر شخص کو اپنے ہاتھوں سے پانی پلا رہی ہے۔ چھوٹے ہاتھوں سے تھک ہار سڑک کنارے بیٹے بزرگ کو پانی پلانے کے اس عمل کی انٹرنیٹ پر بڑی تعریف کی گئی ۔

چھوٹی بچی ہمدردی سے اس شخص کی طرف جھک گئی اور اپنے ہاتھ سے بوتل سے بزرگ کو پانی پلایا۔ یہ شخص کئی بیماریوں میں مبتلا ہے اور بچی اسے پانی کے گھونٹ پلا رہی تھی۔ بوڑھے نے اپنے ہاتھ اس طرح جھکائے جیسے وہ ایک لفظ کہے بغیر اس کا شکریہ ادا کر رہا ہو۔ جیسے ہی چھوٹی لڑکی نے پانی پلانا ختم کیا تو اس نے پانی کی بوتل اس شخص کے قریب ہی رکھ دی۔ پھر بچی کا ایک رشتہ دار آیا اور اسے اپنے ساتھ لے گیا۔

واضح رہے یہ ویڈیو 18 سیکنڈ سے زیادہ کی نہیں ہے ۔ ابھی تک یہ معلوم نہیں ہوسکا کہ یہ کہاں بنائی گئی ہے۔ اس ویڈیو نے سوشل نیٹ ورکنگ ویب سائٹس پر لوگوں کے دلوں کو چرا لیا۔ لوگوں نے بڑے پیمانے پر اس حوالے سے پوسٹس کیں۔

بہت سے لوگوں نے تبصروں کے ذریعے بچی کے رویے اور اس کی اچھی پرورش اور اخلاقیات کو سراہا اور متعلقہ حکام سے اپیل کی کہ وہ بزرگوں کے لیے مناسب زندگی اور ان کے جلد از جلد علاج کی سہولت مہیا کریں۔

مقبول خبریں اہم خبریں

مقبول خبریں