یو ٹیوبر کو بے گھر شخص کے ساتھ شرارتی ویڈیو مہنگی پڑ گئی، لاکھوں لوگ برہم

پہلی اشاعت: آخری اپ ڈیٹ:
مطالعہ موڈ چلائیں
100% Font Size
3 منٹس read

ایک امریکی یوٹیوبر کی حال ہی میں بے گھر لوگوں کے بارے میں ایک ویڈیو سوشل میڈیا پر وائرل ہونے کے بعد کافی منفی ردعمل کا سامنا کرنا پڑ رہا ہے۔ ویڈیو دراصل بے گھر لوگوں کے ساتھ ظالمانہ پرینک پر مبنی تھی ، جس میں یوٹیوبر ایک بے گھر شخص کو کھانا کھلانے کا وعدہ کرتا ہے لیکن پھر اس کے سامنے خود کھا جاتا ہے۔

"انسائیڈر" کی ایک رپورٹ کے مطابق، ویڈیو کو نوجوان ٹریون سیلرز نے پوسٹ کیا تھا، جو واٹس اپٹرے نامی یوٹیوب چینل چلا رہا ہے۔ جس کے 8,800 سبسکرائبرز ہیں۔

ناظرین کی بڑی تعداد نے کہا کہ بے گھر لوگوں کو یہ بتانا "انتہائی غیر حساس رویہ " ہے کہ وہ مفت کھانا حاصل کرنے جا رہے ہیں اور پھر انہیں یہ بتایا جائے کہ آپ انہیں بے وقوف بنا رہے تھے۔

اس ویڈیو پر بڑے پیمانے پر تنقید کے بعد یو ٹیوبر نے اسے ہٹا دیا۔ لیکن اس کے کچھ حصے اب بھی آن لائن شیئر کیے جارہے ہیں۔

آئيں بے گھر لوگوں کے بارے میں بات کریں

ویڈیو میں یوٹیوبر کو لاس اینجلس، کیلیفورنیا میں فاسٹ فوڈ ریسٹورنٹ کے باہر کھڑے بے گھر لوگوں کی مشکلات کے بارے میں بات کرتے ہوئے دیکھا جا سکتا ہے۔

انہوں نے کہا کہ کس طرح لاس اینجلس میں بہت بڑی بے گھر آبادی ہے جو مالی مشکلات کی وجہ سے باقاعدگی سے بھوکی رہتی ہے۔ اور پھر کہا کہ اس کا مقصد آج ان میں سے ایک کو کھانا دے کر ان کی مدد کرنا ہے۔

اس کے بعد کیمرہ فٹ پاتھ پر بیٹھے ایک شخص کی طرف مڑتا ہے، جسے نوجوان پوچھتا ہے کہ کیا وہ ان کے لیے برگر، فرائز اور ڈرنک سمیت کوئی کھانا خرید سکتا ہے۔

جیسے ہی فٹ پاتھ پر بیٹھے شخص نے اثبات میں سر ہلایا، یوٹیوبر نے اسے بتایا کہ وہ اسے کھانا خرید کے دے گا۔

بعد میں، یوٹیوبر اس شخص کے پاس مشروب اور کھانے پر مشتمل ایک بیگ لے کر واپس آیا اور بیگ سے کھانا نکالتے ہوئے کہا، "میں چاہتا ہوں کہ تم اس سے لطف اندوز ہو،"

ظالمانہ مذاق

ویڈیو کا اگلا حصہ واقعی ظالمانہ مذاق تھا جب اس نے خریدا ہوا تمام کھانا بے گھر شخص کے سامنے رکھا۔ تاہم، قبل اس کے کہ بے گھر شخض کھانا شروع کرتا نوجوان نے برگر کھولا، اور کھانے لگا، پھر فرنچ فرائز کھانے لگا۔

"ٹھیک ہے اپنا خیال رکھنا"

اگلے لمحےاس نے مشروب اٹھا کر آدمی سے منہ موڑتے ہوئے کہا۔ "آپ کا دن اچھا گزرے۔"

نوجوان کے اس رویے سے بہت سے ناظرین مشتعل اور برہم ہو گئے اور کہا کہ یوٹیوبر نے جو کچھ کیا وہ نہ صرف ظالمانہ بلکہ بے گھر لوگوں کی توہین ہے۔اور یہ کہ یوٹیوبر متنازعہ ویڈیو پوسٹ کر کے شہرت حاصل کرنا چاہتے ہیں۔

مقبول خبریں اہم خبریں

مقبول خبریں