تصاویر میں: شہزادی رجوہ آل سیف نے مہندی تقریب کے لیے سعودی ڈیزائنر کا لباس پہنا
اردن میں ولی عہد حسین بن عبداللہ دوم اور سعودی منگیتر شہزادی رجوہ آل سیف کی شادی کی تقریبات جاری ہیں۔ ان میں تازہ ترین، شادی سے پہلے کی روایتی مہندی کی رات تھی جس کی میزبانی ملکہ رانیا نے کی۔
ملکہ رانیا نے منگل کے روز اپنے انسٹاگرام اکاؤنٹ پر جشن کی تصاویر شیئر کیں جس میں دولہا کی بہنوں ایمان اور سلمیٰ سمیت کئی مہمانوں نے شرکت کی۔
مہندی کی تقریب کے لیے، شہزادی رجوہ نے سعودی ڈیزائنر ہنیدہ صیرفی کا تیار کردہ سفید لباس زیب تن کیا جس پہ سنہری اور ریشم کے دھاگے کا کام تھا۔
العربیہ سے بات کرتے ہوئے، ہنیدہ نے کہا کہ، لباس کے ذریعے، وہ "اس محبت کی کہانی سنانے کے ساتھ ساتھ فیشن اور ثقافت کے لحاظ سے سعودی اور اردنی شناختوں کو ضم ہونا چاہتی تھیں"
انہوں نے کہا کہ ان کے لیے یہ بھی اہم تھا کہ وہ شہزادی رجوہ کے کردار اور شخصیت کو اس ڈیزائن کے ذریعے پیش کریں جس کی جڑیں تاریخ میں ہیں۔
یہ لباس نجد کے علاقے کے روایتی ثوب سے متاثر ہے جسے ہنیدہ نے ایک جدید انداز کے ساتھ پیش کیا۔
لباس اور اوورلے سعودی عرب اور اردن کے درمیان اتحاد کی عکاسی کرتا ہے جو اس شادی کے ذریعے انجام پا رہا ہے ۔
انہوں نے سات نکاتی ستارے کو شامل کیا ہے جو اردنی پرچم کو آراستہ کرتا ہے اور سورہ فاتحہ کی سات قرآنی آیات کی عکاسی کرتا ہے۔
انہوں نے کہا، "میں نے سعودی عرب سے کھجور کے درخت کی علامت بھی لی ہے جو زندگی، جوش و خروش اور دینے کی نمائندگی کرتی ہے۔"
انہوں نے مزید کہا کہ لباس میں تونس کے شاعر ابو القاسم الشابی کی لکھی ہوئی شاعری بھی شامل ہے۔
"میں اس تاریخی تقریب کا حصہ بننے پر بہت خوش اور فخر محسوس کر رہی ہوں،" ہنیدہ نے مزید کہا۔
مہندی کی تقریب میں شاہی خاندانوں کے علاوہ اردن سے دیگر معززین نے بھی شرکت کی۔
ملکہ رانیا نے اپنے انسٹاگرام اکاؤنٹ پر دو البمز شیئر کرتے ہوئے کہا کہ "ہمارے اردنی خاندان کے بغیر کوئی جشن مکمل نہیں ہوگا۔ ہم اپنی خوبصورت رجوہ کا جشن منا رہے ہیں!”
ملکہ نے شاہی خاندان کی خوشیاں بانٹنے پر حاضرین کا شکریہ بھی ادا کیا۔
اردن کے ولی عہد اور سعودی شہزادی کی شادی یکم جون کو ہونے والی ہے۔ اردن کی شاہی دربار نے اگست میں ان کی منگنی کا اعلان کیا تھا۔
پچھلے ہفتے اردن کے ولی عہد حسین بن عبداللہ نے اپنی شادی کا جشن اپنے ساتھیوں کے ساتھ 40 ویں شاہ حسین بن طلال رائل آرمرڈ بریگیڈ میں منایا جس میں روایتی رقص اور موسیقی شامل تھے۔
-
شادی سے قبل دلہن اور اس کے والد کی موت، خوشی کے بجائے خاندان میں صف ماتم بچھ گئی
مصر کی شرقیہ گورنری کے ایک گاؤں میں ایک گھر میں شادی کی تقریب اس وقت ماتم میں بدل گئی جب دلہن اور اس کا والد ایک ٹریفک حادثے میں انتقال کر گئے۔ لڑکی ... مشرق وسطی -
کرک میں اردنی ولی عہد شہزادہ حسین کی رسم حناء
اردن کے ولی عہد شہزادہ الحسین بن عبداللہ دوم کی سعودی عرب میں رجوہ آل السیف کے ساتھ شادی کی تیاریوں کے سلسلے میں کرک کے علاقے النقع میں رسم حناء کا ... مشرق وسطی -
ایک سٹور میں اردنی بچی کی اچانک صحت خراب، حیران کن مدد کیسے ملی؟
ذرائع ابلاغ کی ویب سائٹ پر ایک ویڈیو کلپ بڑے پیمانے پر پھیلائی گئی جس میں ایک اردنی لڑکی کو سٹور کے اندر صحت کے مسائل درپیش ہوگئے۔ہوا یوں کہ چھوٹی ... ایڈیٹر کی پسند
