500 بہترین یونیورسٹیوں کی فہرست آگئی، 14 عرب جامعات شامل

ایم آئی ٹی نے مسلسل 12ویں مرتبہ برتری برقرار رکھی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

میساچوسٹس انسٹی ٹیوٹ آف ٹیکنالوجی نے "QS" کی طرف سے جاری درجہ بندی کے مطابق سال 2024 کے لیے مسلسل بارہویں مرتبہ دنیا کی بہترین یونیورسٹی ہونے کا اعزاز ایم آئی ٹی نے برقرار رکھا ہے۔ یونیورسٹی آف کیمبرج دوسرے نمبر پر ہے۔ آکسفورڈ یونیورسٹی ایک درجہ بلند ہوکر تیسرے نمبر پر آگئی ہے۔

کیو ایس کی جاری کردہ ٹاپ ٹین لسٹ میں شامل یونیورسٹیوں نے پوائنٹس میں بہتری دکھائی ہے۔ "MIT" نے گزشتہ سال کی طرح 100 پوائنٹس حاصل کیے۔ "کیمبرج" کی درجہ بندی گزشتہ سال کے 98.8 پوائنٹس سے بڑھ کر 99.2 پوائنٹس تک پہنچ گئی۔

یورپی اور امریکی یونیورسٹیاں ٹاپ ٹین میں حاوی رہیں۔ سنگاپور کی نیشنل یونیورسٹی ٹاپ 10 میں شامل ہونے والی واحد ایشیائی یونیورسٹی بنی۔

"QS" کی فہرست میں تقریباً 1,500 یونیورسٹیاں شامل تھیں۔ یونیورسٹیوں کا جائزہ 3 نئے میٹرکس کے مطابق کیا گیا۔ نئے پہلوؤں میں پائیداری، روزگار کے نتائج اور بین الاقوامی تحقیقی نیٹ ورک شامل تھے۔ نتائج کو 17.5 ملین تعلیمی مقالوں کے تجزیے اور 2 لاکھ 40 ہزار ماہرین کی رائے کے مطابق تیار کیا گیا۔

عالمی سطح پر عرب دنیا میں کنگ عبدالعزیز یونیورسٹی 143ویں، قطر یونیورسٹی 173ویں ، کنگ فہد یونیورسٹی آف پیٹرولیم اینڈ منرلز 180ویں، کنگ سعود یونیورسٹی 203ویں، بیروت کی امریکن یونیورسٹی 226 ویں، خلیفہ یونیورسٹی 230 ویں نمبر پر رہی۔ متحدہ عرب امارات یونیورسٹی 290 ویں، حمد بن خلیفہ یونیورسٹی 310 ویں، شارجہ کی امریکن یونیورسٹی 364 ویں اور قاہرہ یونیورسٹی 371 ویں نمبر پر آئی۔

شارجہ یونیورسٹی، سلطان قابوس یونیورسٹی، اردن یونیورسٹی اور قاہرہ کی امریکن یونیورسٹی دنیا بھی ٹاپ 500 یونیورسٹیوں میں شامل ہو گئیں۔ اس طرح عرب دنیا کی 14 یونیورسٹیوں نے دنیا کی بہترین 500 یونیورسٹیوں میں جگہ بنا لی۔

مقبول خبریں اہم خبریں

مقبول خبریں