خواتین کے جھگڑے نے امریکی طیارے کو واپس ایمرجنسی لینڈنگ پر مجبور کر دیا

ہوا کے دوش پر دو خواتین آپس میں لڑ پڑیں تو عملہ نہ دیگر مسافر صورتحال کو پرسکون کرنے میں کامیاب ہو سکے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

امریکہ میں ایک ڈومیسٹک پرواز میں عجیب وغریب قسم کا واقعہ پیش آیا ہے۔ ہوا کے دوش پر سفر کرتی دو خواتین اس برے طریقے سے لڑ پڑیں کہ طیارے کو اپنا روٹ بدلنا پڑ گیا اور دستیاب قریب ترین ائیر پورٹ پر ہنگامی لینڈنگ کرنا پڑی۔

خواتین کی لڑائی کی شدت کا اندازہ اس بات سے لگایا جا سکتا ہے کہ عملہ نہ دیگر مسافر حالات کو پرسکون کرنے اور جھگڑا ختم کرنے میں کامیاب ہو سکے۔

طیارے میں موجود ایک مسافر کی جانب سے بنایا گیا ایک ویڈیو کلپ امریکی میڈیا میں نشر کیا گیا۔ ’’ العربیہ ڈاٹ نیٹ‘‘ کے مطابق اس ویڈیو میں دو یا دو سے زیادہ خواتین کو بدتمیزی کرتے اور چیختے ہوئے دکھایا گیا تھا۔

دوسرے مسافروں اور عملہ کی طرف سے خاموش اور پرسکون رہنے کی تاکید کی جارہی تھی۔ فرنٹیئر ایئر لائنز کی یہ پرواز فلاڈیلفیا سے لاس ویگاس جارہی تھی۔ اس جھگڑے کی بنا پر پائلٹ کو طیارے کا رخ موڑنا پڑا۔ پائلٹ نے طیارے کی ڈینور میں ہنگامی لینڈنگ کی۔ ان دونوں خواتین کو طیارے سے اتار کر پولیس کے حوالے کردیا گیا۔

ویڈیو کلپ میں دکھایا گیا ہے کہ سرخ ٹی شرٹ میں ملبوس ایک خاتون زور سے چیخ رہی ہے اور اپنے بازوؤں کو مار رہی ہے اور دیگر مسافر اسے خاموش کرانے کی کوشش کر رہے ہیں۔

لڑائی اس وقت مزید بڑھ گئی جب سرخ قمیض میں ملبوس خاتون کو احساس ہوا کہ اس کی ویڈیو بنائی جا رہی ہے تو اس نے لڑائی کا رخ فلم بندی کرنے والے کی طرف موڑ دیا۔

ایک عینی شاہد نے بتایا کہ دیگر مسافروں میں سے کچھ کو پولیس کو اپنے بیانات دینے کے لیے عارضی طور پر جہاز سے نکلنا پڑا۔ خواتین کی لڑائی کے باعث پرواز ایک گھنٹہ تاخیر سے لاس ویگاس پہنچی۔

مقبول خبریں اہم خبریں

مقبول خبریں