ایک عجیب منظر: سمندر میں سر کے بل کھڑی وہیل کیا کر رہی ہے!

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

ایک آسٹریلیائی سوشل میڈیا شخصیت نے سمندر کے وسط میں ایک عجیب منظر فلمایا جس میں پر سکون افق پر ایک بڑی ہمپ بیک وہیل سرکے بل کھڑی دیکھی گئی ۔

وہیل مچھلی کا یہ ایک ایسا انداز ہے جو سائنسدانوں کے مطابق نادر واقعہ سمجھا جاتا ہے۔

اس عجیب و غریب منظر کو فلمانے والے آسٹریلوی ٹک ٹاکر بروڈی ماس کا کہنا ہے کہ اچانک ایک وہیل کی دم ان کے سامنے سمندر کی سطح کو چھید کرتے ہوئے نمودار ہوئی۔

ماس نے مزید کہا: "ایک بہت بڑی وہیل کی دم افقی سمت کھڑی ہے، یہ بالکل بے حرکت ہے، اور ایک چھوٹی وہیل اس کے ارد گرد تیر رہی ہے۔"

ماس نے یہ نہیں بتایا کہ یہ منظر کہاں فلمایا گیا۔تاہم "ٹیل سیلنگ" کا یہ واقعہ کافی اچھوتا مانا جاتا ہے۔

ماضی میں وہیل واچنگ ویسٹرن آسٹریلیا نے بھی 2019 اور 2020 میں ایسے ایک خصوصی منظر کو کیمرے میں قید کیا تھا جب ایک مادہ وہیل اس حالت میں کھڑی تھی اور اس کے بچے اس کے ارد گرد اسی طرح تیر رہے تھے، جیسا کہ ماس نے دیکھا۔

اسی طرح برازیل کے ساحل پر ایک ٹیل سیلنگ واقعہ میں نوجوان وہیل کو دودھ پیتے ہوئے دیکھا گیا۔

سائنسدان اس رویے کی مکمل توجیہ نہیں پیش کر پائے۔

سائنسی میگزین "سائنس الرٹ" کے مطابق یہ ممکن ہے کہ رویے کا تعلق آرام کرنے سے ہو۔

اسی طرح ایک ماں وہیل آرام کرنے کے لیے الٹا پلٹ سکتی ہے تاکہ وہ اپنے بچے پر نظر رکھ سکے۔

ٹیل سیلنگ جسم کو ٹھنڈا کرنے کی ایک کوشش بھی ہوسکتی ہے۔

برازیل کے مطالعے میں محققین نے نوٹ کیا ہے کہ وہیل کی دم بہت زیادہ عروقی ہے، جس کا مطلب ہے کہ اسے جسم سے گرمی جذب کرنے یا خارج کرنے کے لیے استعمال کیا جا سکتا ہے۔

مقبول خبریں اہم خبریں

مقبول خبریں