.

فول پروف سیکیورٹی اقدامات سے مکہ کی فضائی حدود مسخر کرنا آسان نہیں: القحطانی

پہلی اشاعت: آخری اپ ڈیٹ:

طائف ریجن کے کمانڈر اور حج مشن میں شریک مسلح افواج کے یونٹوں کے سربراہ میجر جنرل محمد مشبب القحطانی کا کہنا ہے کہ فضائی دفاعی نظام کے ذریعے مکہ مکرمہ کی فضاؤں کو کسی بھی عسکری ہدف سے محفوظ بنا لیا گیا ہے۔ انہوں نے کہا کہ مذکورہ دفاعی نظام کسی بھی معاند ہدف کا راستہ روکنے یا اسے تباہ کرنے کی اعلی صلاحیتوں کا حامل ہے۔

العربیہ ڈاٹ نیٹ سے گفتگو کرتے ہوئے القحطانی نے بتایا کہ سعودی رائل ایئر فورس حجاج کرام کی نگرانی اور حفاظت کے سلسلے میں دیگر سیکورٹی فورسز کے ساتھ تعاون کر رہی ہے۔

القحطانی کے مطابق مسلح افواج کے زیر انتظام دھماکا خیز مواد اور وسیع تباہی کے ہتھیاروں کو ناکارہ بنانے والے یونٹس بھی حج مشن میں حصہ لے رہے ہیں۔

میجر جنرل القحطانی نے باور کرایا کہ بری افواج کی شرکت حرم کے اندر متعین علاقے میں مجمع کی نقل و حرکت کو محفوظ بنانے کے واسطے عمل میں آئی ہے .. جب کہ حرم کے باہر ایک دوسری فورس کسی بھی ہنگامی صورت حال سے نمٹنے کے لیے تیار ہے۔