عازمین حج کی مکہ مکرمہ آمد مکمل ہو گئی : ترجمان سعودی وزارت داخلہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size

سعودی وزارت داخلہ کے سرکاری ترجمان میجر جنرل منصور الترکی کے مطابق حج سیزن میں ذمے داریاں انجام دینے والے اداروں کے مشن کا آغاز تمام راستوں کے ذریعے عازمین حج کے مملکت پہنچنے کے ساتھ ہوا تھا۔ سات ذوالحجہ کو عازمین کی مکہ آمد کا عمل مکمل ہو گیا۔ مشاعر مقدسہ میں متعلقہ اداروں کی ذمے داریوں میں عازمین حج کی منی منتقلی کے بعد نو ذوالحجہ کو انہیں عرفات پہنچانا، غروب آفتاب کے بعد حجاج کی عرفات سے مزدلفہ منتقلی اور وہاں رات گزارنا، دس ذوالحجہ کی صبح عید الاضحی روز منی واپسی اور دیگر مناسک کی تکمیل شامل ہے۔

میجر الترکی نے یہ تمام باتیں رواں سال 1440 ہجری کے لیے حج کے منصوبوں پر عمل درامد کے حوالے سے پہلی پریس کانفرنس کے دوران بتائیں۔ میجر الترکی کے مطابق حجاج کرام میں تقریبا 80% لوگ مناسک حج کا پہلا روز منی میں گزار کر نو ذوالحجہ کی صبح عرفات روانہ ہوتے ہیں جب کہ 20% کے قریب لوگ نو ذوالحجہ کی صبح مکہ مکرمہ سے براہ راست عرفات منتقل ہوتے ہیں۔

مقبول خبریں اہم خبریں