سعودی عرب میں علمی تحقیقی اور افتاء کی جنرل پریذیڈنسی نے آج منگل کے روز 4 مشائخ کے تقرر کا اعلان کیا ہے۔ یہ علمائے کرام رواں سال حج سیزن (1442 ہجری) کے دوران میں ٹیلی فون پر حجاج کرام کے سوالات کا جواب دیں گے۔
نامزد کیے گئے شیوخ کے نام شيخ عبدالسلام السليمان، عبدالله الطيار، عبدالله الحمود اور عيد الشمری حفظہم اللہ ہیں۔ پریذیڈنسی کے مطابق افتاء کے جوابات اور شرعی مسائل اسمارٹ فون پر "اسألني" ایپلی کیشن کے ذریعے بھی معلوم کیے جا سکتے ہیں۔
جنرل پریذیڈنسی نے حجاج کرام کے سوالات کے جوابات کے لیے مقررہ چاروں شیوخ کے ٹیلی فون نمبر بھی جاری کیے ہیں۔
یاد رہے کہ یہ اقدام سعودی عرب کے مفتی اعظم اور سینئر علماء کرام کمیٹی کے سربراہ شیخ عبدالعزیز بن عبداللہ آل الشیخ کی ہدایت پر عمل میں آیا ہے۔
