سعودی عرب کے ہوائی اڈوں کے راستے عازمین حج کی جدہ آمد

سعودی عرب کے مختلف شہروں سے فضائی راستوں سے عازمین حج کی بڑی تعداد جدہ شہر پہنچ گئی۔

آج ہفتے کے روز علی الصبح جدہ کے شاہ عبدالعزیز بین الاقوامی ہوائی اڈے پر عازمین حج کو لے کر ایک پرواز پہنچی۔ حج کے لیے آنےوالے مہمانوں کا ہوائی اڈے کے ٹرمینل ایک پر استقبال کیا گیا۔

عازمین حج کے استقبال کے لیے ایگزیکٹو پلان ترتیب دیا گیا تھا اور اس پلان کے تحت تمام عازمین حج کو مکہ معظمہ پہنچایا جا رہا ہے۔

عازمین حج کی آمدو رفت کے موقعےپر صحت کے حوالے سے وضع کردہ ایس اوپیز پر سختی کے ساتھ عمل درآمد کرایا جا رہا ہے۔

عازمین حج کی رجسٹریشن کے لیے توکلنا ایپ کو استعمال کرتے ہوئے عازمین کو خصوصی ہدایات کا پابند بنایا گیا ہے۔ کرونا وبا کے پیش نظر جدہ کے ہوائی اڈوں میں اترنے والے عازمین حج کے درمیان سماجی فاصلوں پرعمل درآمد، ماسک کے استعمال اور دیگر اصولوں پرعمل درآمد کرایا جا رہا ہے۔