سعودی پراسیکیوشن کے 14 ذیلی ادارے مناسک حج کی ادائی میں معاون

سعودی عرب کے پبلک پراسیکیوشن کے حج کمیٹی کے چیئرمین شلعان الشلعان نے بتایا ہے کہ پراسیکیوشن کے 14 ذیلی ادارے فریضہ حج اور مناسک حج کی ادائی میں معاونت کررہےہیں۔۔

انہوں نے کہا کہ مکانی اعتبار سے مکہ معظمہ اور مشاعر مقدسہ کی حدود میں آنے والے بعض قانونی مسائل کے حل کے لیے پراسیکیوشن ہرممکن اقدمات کررہا ہے تاکہ اللہ کے مہمانوں اور قاصدین بیت اللہ کو مناسک حج کی ادائی کے دوران پیش آنے والے مسائل کا حل نکالا جاسکے۔

شعلان الشعلان نے کہا کہ پراسیکیوٹر جنرل الشیخ سعود المعجب نے عدلیہ کے تمام ذیلی اداروں کو فریضہ حج کی ادائی میں ہرممکن معاونت کی ہدایت کی ہے تاکہ عازمین حج آسانی اور سہولت کے ساتھ مناسک حج ادا کریں اور انہیں اس ضمن میں کسی قسم کی دشواری کا سامنا نہ کرنا پڑے۔

ان کا کہنا تھا کہ پراسیکیوشن کا انتظامی عملہ دوسرے اداروں کے ساتھ فریضہ حج کو کامیاب بنانے میں ہرممکن معاونت کررہا ہے۔