.
حج وعمرہ

مناسکِ حج کے چوتھے روز آج حجّاجِ کرام تینوں جمرات کی رمی کریں گے

پہلی اشاعت: آخری اپ ڈیٹ:

آج مناسکِ حج کا چوتھا روز ہے۔ حجاج کرام مِنی میں تینوں جمرات کی رمی کر رہے ہیں۔ رمی کے بعد حجاج دن کا بقیہ وقت مِنی میں اپنے خیموں اور ٹاوروں میں ہی گزاریں گے۔ کل مناسک حج کے پانچویں روز بھی حجاج کرام تینوں جمرات کی رمی کریں گے۔ تقریبا 70 فی صد حجاج پانچویں روز مِنی سے واپس مکہ مکرمہ لوٹ جاتے ہیں۔

حجاج کرام نے گذشتہ روز منگل کو مکہ مکرمہ میں طوافِ زیارت کیا اور اس کے بعد منی واپس پہنچ گئے۔ اس سلسلے میں سعودی حکام نے اللہ کے مہمانوں کی سلامتی کو یقینی بنانے کے لیے تمام تر احتیاطی اقدامات اور حفاظتی تدابیر کو مکمل طور پر لاگو کیا ہوا ہے۔

سعودی وزارت صحت کے ترجمان ڈاکٹر محمد العبد العالی کے مطابق حجاج کرام میں کوئی فرد اب تک کرونا وائرس سے متاثر نہیں ہوا ہے۔

سعودی وزارت داخلہ کے اعلان میں کہا گیا ہے کہ حج کی منصوبہ بندی کا پہلا اور دوسرا مرحلہ کامیابی سے مکمل ہو گیا ہے۔