سعودی عرب کے مہمان تین سو معذورعازمین حج جدہ پہنچ گئے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

سعودی عرب کی وزارت حج وعمرہ کی طرف سےایک سال قبل شروع کیے گئے معذور افراد کے حج پروگرام کے تحت 300 معذور عازمین حج جدہ کے شاہ عبدالعزیز بین الاقوامی ہوائی اڈے پرپہنچے جہاں سے وہ آج بدھ کو مکہ معظمہ پہنچیں گے اور 1443ھ کے حج سیزن میں فریضہ حج اداکریں گے۔

اندرون اور بیرون ملک سے آنےوالے معذور عازمین حج سعودی عرب کے سرکاری مہمان ہیں اور ان کے حج کے تمام اخراجات سعودی عرب کی وزارت حج وعمرہ ادا کرے گی۔ معذوری سے دوچار عازمین میں بصری، سمعی، گویائی اور جسمانی حرکت سے محروم عازمین شامل ہیں۔

اس اقدام کا مقصد وژن 2030 کے مطابق مملکت کی حکومت کی طرف سے اس قیمتی گروپ کی خدمت کے لیے کی جانے والی کوششوں کے حصے کے طور پر معذور اور یتیم افراد کو آسانی اور سہولت کے ساتھ حج کرنے کے قابل بنانا ہے۔

اس سال وزارت حج و عمرہ ہر زمرے کے لیے ایک پروگرام اور ٹائم پلان فراہم کرنے، خصوصی ضروریات کے حامل عازمین کی موجودگی کے ذریعے تمام سہولیات اور طریقہ کار فراہم کرنے اور مکہ مکرمہ اور مقدس مقامات پر مناسب اور جدید سہولیات سے لیس رہائش فراہم کرنے کی خواہاں تھی۔

حکومت نے معذور افراد کے حالات اور ان کی مشکلات کے پیش نظران کے لیے مکہ معظمہ میں قیام کی سہولت دی اور مشاعر مقدسہ کے قریب رکھا گیا۔ انہیں مشاعر میں ایک سے دوسری جگہ لے جانے کے لیے جدید اور عالمی معیار کی گاڑیاں مہیا کی جائیں گی۔ مناسک کی ادائی کی خاطران کے لیے الگ الگ ٹریک بنائےگئے ہیں۔

دینی معلومات اور رہ نمائی کے لیے معذور افراد کے لیے بھی مفتیان اور علما کی خدمات فراہم کی گئی ہیں۔

مقبول خبریں اہم خبریں

مقبول خبریں