.

لیڈی گاگا کی بانی وکیلیکس سے لندن میں ملاقات

ملاقات کی تصویر امریکی مغنیہ کی ویب سائٹ پر جاری

پہلی اشاعت: آخری اپ ڈیٹ:
پاپ میوزک کی ملکہ لیڈی گاگا نے وکیلیکس کے بانی جولیان اسانچ سے لندن میں ایکواڈور کے سفارتخانے میں ملاقات کی جہاں وہ امسال جون سے پناہ لئے ہوئے ہیں۔ لیڈی گاگا نے اسانچ سے ملاقات کی تصویر اپنی ویب سائٹ پر جاری کی ہے۔

تصویر میں جولیان اسانچ سفید ٹی شرٹ میں ملبوس ہیں جبکہ ان کے پہلو میں لیڈی گاگا سیاہ لباس پہنے گھڑی ہیں۔ انہوں نے سر پر سفید رنگ کا ہیٹ پہن رکھا ہے۔

خبر رساں ادارے 'اے ایف پی' کے مطابق وکیلیکس نے اسانچ ۔ گاگا ملاقات کی تصدیق یا تردید

کرنے کے بجائے یہی کہنے پر اکتفاء کیا ہے کہ یہ 'ذاتی معاملہ ہے۔'

یاد رہے وکیلیکس کے بانی امسال جون سے اس کوشش میں ہیں کہ ان کی سویڈن حوالگی کا معاملہ کسی طرح ختم ہو سکے کیونکہ سویڈن ان پر اپنے ہاں درج جنسی زیادتی کے الزام میں مقدمہ چلانا چاہتا ہے۔

اکتالیس سالہ آسٹریلوی پروگرامر کو خدشہ لاحق ہے کہ سویڈن سے امریکا کے حوالے کر سکتا ہے۔ واشنگٹن، وکیلیکس کی جانب سے خفیہ امریکی دستاویزت نشر کرنے پر انتہائی ناراض ہے۔ خدشہ ظاہر کیا جاتا ہے کہ اس 'جرم' کی پاداش میں اسانچ کو سزائے موت دے دی جائے۔