.

تیونس میں قبل از وقت پارلیمانی اور صدارتی انتخابات کا اعلان

پہلا مرحلہ 23 جون جبکہ دوسرا مرحلہ 7 جولائی کو ہو گا

پہلی اشاعت: آخری اپ ڈیٹ:
تیونس میں حکومتی اتحاد نے ملک میں قبل از وقت صدارتی اور پارلیمانی انتخاب اگلے برس [2013] کے وسط تک کرانے کا فیصلہ کیا ہے۔

حکومتی اتحاد کی قیادت دائیں بازو کی جماعت تحریک نہضت اسلامی کر رہی ہے۔ حکومتی اتحاد کے اجلاس میں یہ بھی فیصلہ کیا گیا ہے کہ آئندہ صدر کا انتخاب بھی براہ راست ووٹوں سے ہو گا اور مختلف ریاستی اداروں کے درمیان اختیارات میں توازن پیدا کیا جائے گا۔

ہفتے شب اتحاد میں شامل تحریک نہضت اسلامی اور بائیں بازو کی دیگر جماعتوں نے اپنے مشترکہ اجلاس کے بعد جاری بیان میں تجویز پیش کی ملک میں پارلیمانی اور صدارتی انتخاب 23 جون 2013ء کو ہوں گے۔ انتخاب کا دوسرا مرحلہ 7 جولائی 2013ء کو ہو گا۔

بیان کے مطابق آئندہ صدر کا انتخاب عوام کے براہ راست ووٹ سے ہو گا اور ملک کے تینوں اہم ریاستی اداروں کے درمیان اختیارات کا توازن یقینی بنایا جائے گا۔ انتظامی اتھارٹی کے اختیارات کو بھی متوازن بنایا جائے گا۔