.

مراکشی فرمانروا شاہ محمد ششم کا خلیجی ریاستوں کا اہم دورہ

دورے میں قطر، کویت، یو اے ای اور سعودی عرب جائیں گے

پہلی اشاعت: آخری اپ ڈیٹ:
مراکش کے فرمانروا شاہ محمد ششم خلیجی ریاستی کے طویل دورے پر منگل کو روانہ ہو رہے ہیں۔

رباط کے شاہی دیوان سے جاری بیان میں کہا گیا ہے کہ شاہ محمد ششم خلیج تعاون کونسل (جی سی سی) کے چار رکن ممالک سعودی عرب، متحدہ عرب امارات، قطر اور کویت کا دورہ کریں گے۔ مراکش واپسی پر وہ اردن بھی جائیں گے جہاں ان کی ملاقات اردن کے شاہ عبداللہ دوم سے ہو گی۔



شاہی بیان میں کے مطابق شاہ محمد ششم خلیجی ریاستوں کے دورے میں ان ملکوں کی اعلی قیادت سے ملاقات کر کے باہمی بھائی چارے کے فروغ، اقتصادی تعلقات کے استحکام، مراکش میں خلیجی ممالک کی سرمایہ کاری میں اضافے اور سنہ 2011ء میں جی سی سی اور مراکش کے درمیان طے پائے باہمی تعاون کے سمجھوتے کو آگے بڑھانے پر بات چیت کریں گے۔



بیان کے مطابق شاہ مراکش اپنے اردنی ہم منصب شاہ عبداللہ دوم سے بھی ملاقات کریں گے اور دوطرفہ تعلقات کی بہتری اور اقتصادی تعاون کے فروغ سمیت کئی دیگر پہلوؤں پر بھی بات چیت کریں گے۔ اردن کے دورے کے دوران عمان ۔ رباط کے مابین تجارت کے فروغ کے مختلف سمجھوتوں پر دستخط بھی ہوں گے۔



ذرائع کے مطابق اردن کے دورے میں مراکشی فرمانروا، شامی پناہ گزین کیمپ الزعتری کا بھی دورہ کریں گے اور کیمپ کے فیلڈ ملٹری اسپتال کے لیے اردن حکومت کو عطیہ بھی دیں گے۔



مراکش بادشاہ خلیجی ممالک کے دورے میں حکومتی وزرا اور دیگر اہم شخصیات بھی ان کے ہمراہ ہوں گی۔ توقع ہے کہ دورے کے دوران مراکش اور خلیجی ریاستیں چار سالہ ترقیاتی پروگرام کی روشنی میں خلیجی سرمایہ کاری کے حجم کو پانچ ارب ڈالرز تک لے جانے کی کوشش کریں گی۔