.

امریکا اور ترکی کے درمیان انٹیلی جنس تعاون میں اضافہ

شام میں نو فلائی زون کے قیام پر واشنگٹن۔انقرہ مشورے

پہلی اشاعت: آخری اپ ڈیٹ:
شام کے بحران کی جڑیں گہری ہونے کے ساتھ ساتھ امریکا اور ترکی کے درمیان انٹیلی جنس تعاون میں دیکھنے میں آیا ہے۔

امریکی روزنامے 'واشنگٹن ٹائمز' نے اپنی حالیہ رپورٹ میں امریکا کے اعلٰی سرکاری عہدیداروں کے حوالے سے بتایا ہے کہ دونوں ملکوں کے فوجی اہلکاروں نے گذشتہ چند ہفتوں کے دوران ایسے منصوبے پر اپنی مہارت اور آراء کا تبادلہ کیا ہے جس کے تحت شام میں نو فلائی زون قائم کیا جائے گا۔

انقرہ اور واشنگٹن نے شام کے اندر کیمیاوی اور حیاتیاتی ہتھیاروں کے ذخیروں کا پتا چلا کر ان کا کنڑول حاصل کرنے کے منصوبے پر بھی تبادلہ خیال کیا ہے۔

اخبار نے بتایا کہ گذشتہ دنوں شام کے مسافر طیارے کو انقرہ میں زبردستی اتارنے کا واقعہ بھی دراصل امریکی انٹیلی جنس رپورٹ کا نتیجہ تھا۔ یہ طیارہ ماسکو سے دمشق جا رہا تھا کہ اسے زبردستی انقرہ اتار لیا گیا۔ اس واقعے کے بعد ترکی کے شام اور روس دونوں کے ساتھ تعلقات میں خرابی آئی۔