.

بیروت میں پھنسے شامی حاجیوں کی مملکت منتقلی کے لئے ہنگامی اقدامات

450 شامی حاجی بیروت ائر پورٹ پر پھنسے تھے

پہلی اشاعت: آخری اپ ڈیٹ:
سعودی عرب کے فرمانروا خادم الحرمین الشریفین عبداللہ بن عبدالعزیز نے دو روز سے لبنان میں پھنسے 450 شامی حاجیوں کو حجاز مقدس لانے کے خصوصی احکامات جاری کئے ہیں۔

لبنان میں سعودی سفیرعواض عسیری نے 'الوطن' اخبار کو بتایا کہ عمومی طور پر سعودی عرب میں حج آپریشن چھے ذی الحجہ کو بند کر دیا جاتا ہے، تاہم خادم الحرمین الشریفین کو جب بیروت کے رفیق الحریری ہوائی اڈے پر فلائٹس نہ ہونے کی وجہ سے پھنسے ہوئے شامی عازمین حج کی مشکلات کا علم ہوا تو انہوں نے سعودی ائر لائن کو حکم دیا کہ ان حجاج کو فی الفور سعودی عرب لایا جائے تاکہ وہ بروقت مناسک حج ادا کر سکیں۔

ڈاکٹر عسیری کا کہنا تھا کہ دو دنوں سے 450 حاجی بیروت کے ہوائی اڈے پر احرام کی حالت میں حج فلائٹس نہ ہونے کی وجہ سے پھنسے ہوئے تھے۔ خادم الحرمین الشریفین کو جب اس صورتحال کا علم ہوا تو انہوں فوری طور پر مملکت کی فضائی حدود کھولنے کا حکم دیا۔ انہوں متعلقہ سرکاری اداروں کو حکم دیا کہ وہ شامی عازمین حج کی مشکلات فوری طور پر ختم کرنے کے لئے ضروری اقدامات کرنے کا حکم دیا۔

بیروت میں سعودی سفیر نے مملکت کی فضائی کمپنی سے کوارڈی نیشن کے لئے خصوصی کمیٹی تشکیل دیتے ہوئے حکم دیا کہ شامی پناہ گزین عازمین حج کی فوری طور پر سعودی عرب منتقلی کو یقینی بنایا جائے۔