.

شادی مرگ بجلی کا کرنٹ لگنے سے سعودی عرب میں 25 ہلاکتیں

جاں بحق ہونے والوں میں بڑی تعداد خواتین کی ہے

پہلی اشاعت: آخری اپ ڈیٹ:
سعودی عرب کی مشرقی گورنری بقیق میں شادی کی ایک تقریب کے ہائی ٹینشن وائر گرنے سے کم سے کم 25 افراد جاں بحق جبکہ 30 دوسرے زخمی ہو گئے۔ جان بحق ہونے والوں میں بڑی تعداد خواتین کی تھی جو ایک گھر میں شادی کی تقریب میں شریک تھے۔

شہری دفاع کے ذرائع نے بتایا کہ حادثے میں جاں بحق ہونے والوں کی اکثریت کرنٹ لگنے سے لقمہ اجل بنی کیونکہ مکان کے اوپر سے گزرنے والی ہائی ٹینشن وائر شادی والے گھر پر گری۔



لائیو وائر کا ایک حصہ گھر کے آہنی دروازے پر گرا۔ تار گرنے سے پھیلنے والی بھگڈر کے بعد لوگوں نے گھر سے باہر نکلنے کی کوشش لیکن آہنی دروازے میں تار گرنے سے برقی رو دوڑ رہی تھی، جس کے باعث زندگی بچانے کے لئے باہر نکلنے والا ہر شخص زندگی کی بازی ہار گیا۔

ہائی ٹینشن وائر گرنے کی بنیادی وجہ شادی کی تقریب میں کی جانے والی ہوائی فائرنگ بتائی جاتی ہے۔ اسی دوران کسی بلٹ کے لگنے سے بجلی کی تاریں ٹوٹ کر شادی والے گھر کے مرکزی آہنی دروازے پر گریں۔ تاہم متعلقہ ادارے واقعے کی مزید تفتیش کر رہے ہیں۔