.

برطانوی وزیر اعظم کا دبئی میٹرو سروس کے ذریعے سفر

کیمرون کا دبئی ورلڈ ٹریڈ سینٹر کا بھی دورہ

پہلی اشاعت: آخری اپ ڈیٹ:
کسی اہم شخصیت کا بغیر پروٹوکول پبلک ٹرانسپورٹ کے ذریعے شہروں میں سفر عموماً ایک انوکھا اقدام سمجھا جاتا ہے۔ برطانوی وزیر اعظم نے متحدہ عرب امارات کے دورے کے دوران دبئی میٹرو ٹرین کے ذریعے سفر کر کے لوگوں کو حیران کر دیا۔ پیر کے روز دبئی میٹرو سروس کے ذریعے برطانوی وزیراعظم ڈیوڈ کیمرون نے دبئی میں کئی مقامات پر گئے۔



اس موقع پر متحدہ عرب امارات کی سول ایوی ایشن اتھارٹی کے چیئرمین شیخ احمد بن سعید آل مکتوم اور دیگرحکومتی عہدیدار بھی ان کے ہمراہ تھے۔ ڈیوڈ کیمرون نے میٹرو ٹرین ہی کے ذریعے دبئی میں عالمی تجارتی مرکز کا بھی وزٹ کیا۔



خیال رہے کہ دبئی میٹرو ٹرین سروس کا افتتاح 09 دسمبر 2009ء کو ہوا تھا۔ یہ ملک کی تیز ترین اور آرام دہ پبلک ٹرانسپورٹ سروس سمجھی جاتی ہے جو کسی ڈرائیور کے بغیر خود کار طریقے سے بجلی پر چلتی ہے۔ میٹرو ٹرین کے منصوبے کے بعد دبئی جیسے گنجان آباد شہر میں ٹریفک کے مسئلے پر قابو پانے میں بڑی حد تک مدد ملی ہے اور سڑکوں پر شہریوں کا اژدہام کم ہو گیا ہے۔ یہ ٹرین چند گھنٹے میں پورے دبئی کا ٹور مکمل کرا دیتی ہے۔ یومیہ تقریباً تین لاکھ تیس ہزار افراد میٹرو کے ذریعے سفر کرتے ہیں۔