.

جنوبی افریقہ 60 چوہے مارو، ایک موبائل ملے گا

چوہے مار مہم میں شہریوں کے درمیان مقابلہ

پہلی اشاعت: آخری اپ ڈیٹ:
جنوبی افریقہ کے شہر اسکندریہ کی میونسپل انتظامیہ نے شہر سے چوہوں کے خاتمے کے لیے ایک انوکھی مہم شروع کی ہے۔ اس مہم کے تحت انتظامیہ نے شہریوں کے ذریعے چوہوں کے خاتمے کا طریقہ اپنایا ہے اور ساٹھ چوہے زندہ یا مردہ حالت میں حکومت کو پیش کرنے پر ایک موبائل سیٹ بطور انعام دیا جائے گا۔



روزنامہ 'الشرق الاوسط' کی رپورٹ کے مطابق جنوبی افریقہ کے اسکندریہ سمیت دیگر شہروں میں چوہوں کی بہتات کی وجہ سے شہری سخت پریشان دکھائی دیتے ہیں۔ پرانے دور کی بنی عمارتیں اور سوریج لائنیں چوہوں کی آماجگاہ بن چکی ہیں جہاں پر چوہوں کی بہتات ہے۔ شہروں کو چوہوں سے پاک کرنے کے لیے عوام نے حکومت سے کئی بار مطالبات بھی کیے ہیں۔ کئی خاندانوں نے سوتے میں اپنے بچوں کو چوہوں کے کاٹے جانے کی شکایات بھی کی ہیں۔



حکومت کی جانب سے چوہے مار مہم کو پرکشش بنانے کے لیے موبائل سیٹ کا پیکج جاری کیا گیا ہے جس کے بعد اسکندریہ شہروں میں چوہے مارنے کا ایک مقابلہ شروع ہو گیا ہے لیکن دوسری جانب حیوانات کے حقوق کے لیے کام کرنے والی تنظیموں نے حکومت کے اس اقدام پر شبے کا بھی اظہار کیا ہے۔ بعض دوسرے حلقوں کا کہنا ہے کہ حکومت کی جانب سے ساٹھ چوہوں کے شکار پر ایک موبائل سیٹ کا انعام ناکافی ہے۔ حکومت کو اس اقدام کے بدلے لوگوں کی انشورنس کرنی چاہیے۔