.

سوئس حلوائیوں نے دنیا کا سب سے بڑا کیک تیار کر لیا

4.2 ٹن وزنی کیک 250 افراد نے بنایا: گینز بک آف ورلڈ ریکارڈ

پہلی اشاعت: آخری اپ ڈیٹ:
سوئٹزر لینڈ کے حلوائیوں نے 1221.6 میٹر طویل چاکلیٹ کیک بنا کر اپنا نام گنیز بک آف ورلڈ ریکارڈ میں درج کرا لیا۔

سوئس خبر رساں ایجنسی 'آئی ٹی ایس' کے مطابق دنیا کے اس منفرد کیک کی تیاری چھے ماہ قبل شروع ہوئی لیکن باضابطہ طور پر کیک چند دن پہلے بننا شروع ہوا۔ چاکلیٹ کیک کی تیاری میں 250 افراد نے حصہ لیا۔

ایجنسی کے مطابق ان حلوائیوں کو 25 افراد پر مشتمل گروپ میں تقسیم کیا گیا تھا۔ چھے دنوں کی شبانہ روز محنت سے انہوں نے چار اعشاریہ دو ٹن وزنی اور 200 میٹر لمبا کیک تیار کیا، اسے مٹھائیوں کی تیاری میں دنیا کی سب سے بڑی کوشش قرار دیتے ہوئے گینز بک آف ورلڈ ریکارڈ میں شامل کیا گیا۔ اس سے قبل دنیا میں سب سے بڑا لمبا کیک بیس میٹر طویل تھا۔

کیک کو جینوا کے ایکسپو سینٹر میں دو ہزار افراد کی موجودگی میں نمائش کے لئے پیش کیا گیا۔ اس موقع پر گینز بک آف ورلڈ ریکارڈ کی مندوب آنا آورفورڈ بھی موجود تھیں۔ تقریب سے خطاب کرتے ہوئے سوئٹزر لینڈ میں مٹھائی تیار کرنے والی بیکری کے سربراہ اور کیک منصوبے کے نگران گیل ڈبلانچ نے بتایا کہ انہوں نے ورلڈ ریکارڈ کا حامل کیک تیار کرنے کا خاکہ چھے ماہ قبل تیار کی۔ مسٹر گیل کے مطابق دنیا کے منفرد کیک کی تیاری میں 864 لٹر کریم، 576 لٹر دودھ، 600 کلوگرام میدہ، 432 کلو گرام کوکنگ آئل اور 360 کلو گرام چاکلیٹ استعمال کیا گیا۔

واضح رہے کہ تیاری کے بعد کیک کو تیس حصوں میں تقسیم کر کے فروخت کے لیے پیش کیا گیا۔ پورے کیک کا ایک چوتھائی حصہ ایک ہی روز 83 ہزارڈالر میں فروخت ہو گیا تھا۔