.

اختلافات کے باوجود کرد خودمختاری کا اعلان نہیں کریں گے طالبانی

عراقی صدر کی العربیہ سے خصوصی گفتگو

پہلی اشاعت: آخری اپ ڈیٹ:
عراق کے صدر جلال طالبانی نے کہا ہے کہ کردوں کا عراق سے علاحدگی کا کوئی مطالبہ نہیں ہے۔ بغداد حکومت اور صوبہ کردستان کے درمیان اختلافات کے علی الرغم کرد خودمختاری کا اعلان نہیں کریں گے۔



صوبہ کردستان سے تعلق رکھنے والے عراقی صدر جلال طالبانی نے ان خیالات کا اظہار العربیہ ٹی وی کے پروگرام 'پوائنٹ آف آرڈر' میں خصوصی گفتگو کرتے ہوئے کیا۔ ان کا یہ انٹرویو جمعہ [30] نومبر کو العربیہ ٹی وی پر نشر کیا جائے گا۔



ایک سوال کے جواب میں صدر طالبانی نے کہا کہ کردوں نے سابق صدر صدام حسین کی حکومت کے خاتمے کے بعد نئے دستور کی منظوری کے لیے کیے گئے ریفرنڈم میں بھی حصہ لیا تھا۔ موجودہ حکومت اسی دستور ہی کے تحت قائم کی گئی ہے جسے کردوں کی بھی حمایت حاصل ہے۔



انہوں نے کہا کہ کردوں کی طرف سے علاحدگی کا نعرہ منسوب کرنا خلاف واقعہ امر ہے، کرد اس پہلو پر نہیں سوچ رہے ہیں۔ البتہ انہیں صرف یہ ڈر ہے کہ مرکز ان کے خلاف طاقت کا استعمال نہ کرے۔