.

سعودی بارڈر فورس نے 21 ایرانی درانداز گرفتار کر لئے

دو کشتیوں پر سوار افراد کو حرقوص جزیرے سے حراست میں لیا گیا

پہلی اشاعت: آخری اپ ڈیٹ:
سعودی عرب کی بارڈر سیکیورٹی فورس نے 21 ایرانیوں کو مملکت میں الخفجی کے علاقے میں مشرقی ساحل کے راستے دراندازی کی کوشش میں گرفتار کر لیا ہے۔

مشرقی ریجن میں بارڈر سیکیورٹی فورس کے ترجمان کرنل خالد خلیفہ العرقوبی نے بتایا کہ حراست میں لئے جانے والے ایرانیوں سے تفتیش جاری ہے۔ دو کشتیوں پر سوار درانداز ایرانیوں کو حرقوص جزیرے کے قریب سعودی سمندری حدود سے گرفتار کیا گیا۔

حرقوص جزیزہ الخفجی کے ساحل سے 42 ناٹیکل میل کے فاصلے پر واقع ہے۔ ترجمان نے بتایا کہ ایک کشتی پر 12 جبکہ دوسری پر 9 افراد سوار تھے۔ تمام افراد ایرانی شہری ہیں۔