.

قبرص میں مصری سفیرہ کا پولیس اہلکار کو تھپڑ

ائر پورٹ سیکیورٹی فورس کے منحہ کو گرفتار کر لیا

پہلی اشاعت: آخری اپ ڈیٹ:
قبرص میں مصری سفیر منحہ باخوم کو لارنکا کے بین الاقوامی ہوائی اڈے پر ایک خاتون پولیس اہلکار کو تھپڑ مارنے کی پاداش میں فوری طور پر حراست میں لے لیا گیا، تاہم بعد میں انہیں رہا کر دیا گیا۔ خاتون پولیس آفیسر نے محہ باحوم کو سکینگ کے لئے جوتے اتارنے پر اصرار کیا جس پر وہ تعیش میں آ گئیں اور انہوں نے ڈیوٹی پر موجود آفیسر کو تھپڑ رسید کر دیا۔

قبرص کے 'سیگما' ٹی وی نے ہوائی اڈے پر نصب سی سی فوٹیج نیوز بلٹن میں چلا دی جس میں خاتون پولیس اہلکار اور مصری سفیرہ کے درمیان سخت جملوں کا تبادلہ ہوتے دیکھا جا سکتا ہے، اسی اثنا میں مصری سفارتکار نے خاتون اہلکار کو تھپٹر رسید کر دیا جس کے بعد موقع پر موجود ائرپورٹ سیکیورٹی فورس کے دوسرے اہلکاروں نے ساتھی سے بدسلوکی کرنے والی خاتون کو گرفتار کر لیا۔

قبرص حکام نے مصری سفارتکار کے ساتھ بدمعاملگی پر قاہرہ سے باقاعدہ معذرت کی ہے۔ مصری وزرات خارجہ نے قاہرہ میں قبرص کے چارج ڈی آفیئرز کو فارن آفس طلب کر کے واقعے کی تفصیلات سے آگاہی چاہی۔

اس سے قبل مصری خاتون سفیر باخوم نے ایک بیان میں الزام عاید کیا تھا کہ ہوائی اڈے میں اس سے تشدد کا نشانہ بنایا گیا اور اسے تادیر حبس بیجا میں رکھا گیا۔

انہوں نے کہا کہ قبرص کی وزارت خارجہ نے اس واقعے پر ان سے معذرت کی ہے، جس کے بعد معاملہ رفع دفع ہو گیا۔ ادھر قبرص کے صدر نے ذاتی طور پر وزارت خارجہ سے واقعہ کی تفصیلی رپورٹ طلب کی ہے۔