پاکستانی نژاد خاتون آسٹریلین پارلیمنٹ کی رکن منتخب

ڈاکٹر مہرین فاروقی آسٹریلیا کی تاریخ کی پہلی مسلمان رکن ہو گی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

پاکستانی نژاد ڈاکٹر مہرین فاروقی پہلی مسلمان خاتون ہیں جو آسٹریلین پارلیمنٹ کی کی رکن منتخب ہو چکی ہیں۔ نیو ساؤتھ ویلز گرینز نے ماحولیاتی انجینئر مہرین فاروقی کو پارلیمنٹ کے ایوان بالا کے لیے منتخب کیا ہے۔

مہرین فاروقی نے 1992ء میں اپنے اہل خانہ کے ہمراہ پاکستان سے ترک وطن کرکے آسٹریلیا میں سکونت اختیار کرلی تھی۔

ڈاکٹر مہرین فاروقی یونیورسٹی آف نیو ساؤتھ ویلز میں ایسوسی ایٹ پروفیسر ہیں، وہ تربیت یافتہ ماحولیاتی انجینئر ہونے کے علاوہ کمیونیٹی کی فلاح کے کاموں میں بھی متحرک رہتی ہیں۔

وہ نیو ساؤتھ ویلز میں آسٹریلیا کی پہلی اور سب سے پرانی پارلیمنٹ میں مرکزی بائیں بازو کی جماعت گرین کی نمائندگی کریں گی۔ اُن کا انتخاب پارٹی ارکان نے پوسٹل بیلٹ کے ذریعے کیا۔ اس مقابلے میں ان کے علاوہ چھے اور خواتین بھی شامل تھیں۔

مہرین فاروقی یہ عہدہ جولائی سے سنبھالیں گی اور اس کے ساتھ ہی وہ آسٹریلیا کی تاریخ میں پارلیمنٹ میں منتخب ہونے والی پہلی مسلم خاتون بھی بن جائیں گی۔

مقبول خبریں اہم خبریں

مقبول خبریں