امریکی طیارہ کرغزستان اور کارخستان کی سرحد پر گر کر تباہ

کریش ہونے والا جہاز امریکی بیس سے ایندھن لیکر جا رہا تھا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

افغانستان میں نیٹو افواج کے لیے ایندھن لے جانے والا ٹینکر طیارہ کرغزستان میں امریکی ہوائی اڈے سے اڑنے کے تھوڑی دیر تباہ ہو گیا ہے۔

رواں ہفتے میں یہ دوسرا امریکی طیارہ ہے جوگر کر تباہ ہوا ہے۔ پیر کے روز بگرام کے ہوائی اڈے سے اڑنے والا امریکی طیارہ تباہ ہوگیا تھا جس میں عملے کے سات افراد ہلاک ہو گئے تھے۔

امریکہ کرغزستان کے ہوائی اڈے سے افغانستان میں موجود اپنی فوجیوں کو سازو سامان مہیا کرتا ہے۔

اطلاعات کے مطابق امریکی ٹینکر طیارہ کرغزستان کے دارالحکومت بشکیک کے نزدیک مانس کے ہوائی اڈے سے اڑنے کے تھوڑی دیر بعد تباہ ہوگیا۔

خبر رساں ادارے اے ایف پی کے مطابق طیارہ ہوا میں دھماکے سے پھٹ گیا اور اس کے تین ٹکڑے ہوا میں دیکھے گئے۔

اس حادثے میں ہلاک ہونے والے افراد سے متعلق ابھی معلومات جاری نہیں کی گئی ہیں۔

عینی شاہدین نے مقامی ذرائع ابلاغ کو بتایا ہے کہ انہوں نے دھماکے کی آواز سنی جس کے بعد طیارے کے ٹکڑے دیکھے گئے۔

امریکی ٹینکر طیارہ افغانستان برسرپیکار افواج کے ایندھن لے کر جا رہا تھا اور اس وقت ریڈار غائب ہو گیا جب وہ پہاڑی گاؤں چلدیبار کے قریب پہنچا۔

مقبول خبریں اہم خبریں

مقبول خبریں