روس، شام کو میزائل فراہمی کے آخری مرحلے میں ہے: لاروف

'جرمنی، شامی بحران کا سیاسی حل چاہتا ہے'

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

روسی وزیر خارجہ سرگئی لاروف نے جمعہ کے روز وارسا میں جاری کردہ بیان میں تصدیق کی ہے کہ ان کا ملک شام کو اپنی فضائی حدود کا دفاع کرنے کی خاطر میزائل فراہمی کے آخری مرحلے میں ہے جبکہ جرمن وزیر خارجہ گیڈو ویسٹرویلا نے ماسکو پر زور دیا ہے کہ وہ شام کو اسلحہ فراہمی بند کرے۔

سرگئی لاروف نے صحافیوں کو بتایا کہ روس، ایک مدت سے شام کو میزائل فروخت کر رہا ہے۔ اس ضمن میں معاہدوں پر دستخط ہو چکے ہیں اور اب ان میزائیلوں کی فراہمی آخری مرحلے میں ہے۔ نیز یہ عمل تمام بین الاقوامی کنونشز کو تج کر جاری و ساری ہے۔

جمعرات کو ایک بیان میں امریکی وزیر خارجہ جان کیری نے روم میں اظہار خیال کرتے ہوئے کہا تھا کہ شام کو روسی میزائل کی فراہمی سے علاقائی امن بری طرح متاثر ہو گا۔

جرمن وزیر خارجہ گیڈو ویسٹرویلا نے وارسا میں ایک بیان میں کہا ہے کہ وہ شام کو اسلحہ فراہمی کے بارے میں روسی نقطہ نظر سے متفق نہیں ہیں۔ انہوں نے شام کو اسلحہ فراہمی روکنے کا مطالبہ کیا ہے۔

انہوں نے روس، پولینڈ اور جرمنی کے وزراء خارجہ کے ساتھ اپنی سہ فریقی ملاقات کے بعد بتایا کہ ان کا ملک شام کو اسلحہ فراہمی روکنے کی غرض سے بین الاقوامی کارروائیوں کا حامی ہے کیونکہ ہم سب کی ذمہ داری ہے کہ ہم بحران کے حل کی خاطر سیاسی آپشن پر زیادہ انحصار کریں۔

مقبول خبریں اہم خبریں

مقبول خبریں