مصری سیناء میں مشتبہ اسلامی جنگجووں کا فوجی چیک پوسٹ پر حملہ

نشانہ خطا ہونے پرراکٹ مکان پر گرنے سے دو افراد ہلاک

پہلی اشاعت: آخری اپ ڈیٹ:
مطالعہ موڈ چلائیں
100% Font Size

مصر کے شورش زدہ علاقے سیناء میں العریش فوجی چوکی پر مشتبہ اسلامی جنگجووں کی جانب سے کئے جانے والے راکٹ حملے میں دو سویلین افراد جاں بحق جبکہ تیسرا زخمی ہو گیا۔

ہسپتال ذرائع کے مطابق حملہ آوروں کا نشانہ خطا ہونے کی وجہ سے داغے جانے والے راکٹ رہائشی مکان پر گرے، جس کے نتیجے میں گھر میں موجود ایک شخص کا دھڑ اور ٹانگیں بری طرح زخمی ہوئیں۔

علاقے سے العربیہ کے نامہ نگار نے بتایا کہ رپورٹ فائل کئے جانے تک حملہ آوروں اور مصری فوج کے گن شپ ہیلی کاپٹروں کا مقابلہ جاری تھا۔

اس سے قبل العریش کے علاقے میں ہی فوجی چیک پوسٹ کے قریب سے گذرنے والے نامعلوم افراد کی فائرنگ سے ایک مصری سپاہی زخمی ہو گیا تھا۔ یہ علاقہ بحر متوسطہ کے ساحل پر واقع غزہ کے مشرق میں واقع ہے۔

مقبول خبریں اہم خبریں