امریکہ دنیا کے ہر کونے کی خانہ جنگیوں میں ملوث رہا

ردعمل کا سوچے بغیر اقدامات کیے جاتے ہیں ،امریکی سینیٹر

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

واشنگٹن امریکہ کے ریپبلکن سینیٹر رینڈ پال نے واشنگٹن کی دفاعی پالیسیوں کو تنقید کا نشانہ بناتے ہوئے کہا ہے کہ امریکہ دنیا کے ہر کونے میں ہونے والی خانہ جنگی میں ملوث رہا ہے جس کی وجہ سے ہمارا اپنا دفاع کمزور ہوا ہے۔

بیرون ملک جنگوں میں حصہ لینے والے سابق فوجیوں کے نیشنل کنونشن سے خطاب کرتے ہوئے رینڈ پال نے کہا'' وفاقی حکومت کیلئے آئین اور قوم کے دفاع سے بڑھ کر کوئی بڑی ترجیح نہیں ہوتی لیکن بعض اوقات میں سوچتا ہوں ہمارا دفاع دنیا کے کسی بھی کونے میں خانہ جنگی میں ملوث ہونے کی خواہش سے کمزور ہوا۔''

انہوں نے لیبیا، مصر اور اب شام میں امریکی مداخلت کو بھی شدید تنقید کا نشانہ بنایا اور کہاکہ ہم کوئی بھی عملی قدم اٹھانے سے پہلے سوچتے نہیں کہ اس کا ردعمل کیا ہوگا، ہمارے ملک اور قوم کی بقاء کیلئے امن واشنگٹن کی اولین ترجیح ہونی چاہئےاور دنیا پر تھانیداری سے پرہیز کرنا چاہیے۔۔

مقبول خبریں اہم خبریں

مقبول خبریں