معائنہ کاروں کی رپورٹ، اب سلامتی کونسل کا امتحان ہے:جان کیری

شام کے خلاف کارروائی کے لیے اگلے ہفتے یو این کی قرارداد آ سکتی ہے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

امریکی وزیر خارجہ جان کیری نے کہا ہے کہ یو این معائنہ کاروں کی رپورٹ سامنے آنے کے بعد شام کے خلاف اقوام متحدہ کی دوٹوک قرارداد کے تحت کارروائی ضروری ہو گئی ہے۔ جان کیری نے کہا معائنہ کاروں کی رپورٹ نے واضح طور ثابت کر دیا ہے کہ 21 اگست کو الغوطہ میں کیمیائی ہتھیاروں کا استعمال شامی حکومت نے کیا تھا ۔

اس لیے اگلے ہفتے شام کے خلاف کارروائی کے لیے ایک قرارداد منظور کر لی جائے گی۔ امریکی وزیر خارجہ نے اقوام متحدہ کی سلامتی کونسل کے ارکان کا نام لیے بغیر کہا اب یہ ان کا امتحان ہے، سلامتی کونسل کو چاہیے کہ اگلے ہفتے شام کے خلاف کارروائی کی تیاری کرے۔''

امریکی وزیر خارجہ کا ایک عالمی خبر رساں ادارے سے بات کرتے ہوئے یہ بھی کہنا تھا '' بین الاقوامی برادری کی بقا کے لیے ضروری ہے کہ اس معاملے میں اٹھ کھڑی ہو اور خاموش نہ رہے۔''

دوسری جانب شام کے نائب وزیر اعظم پہلے ہی یہ انکشاف کر چکے ہیں کہ شام میں جاری خانہ جنگی اب ایک سطح پر آکے رک گئی ہے، یہ کسی فریق کے لیے بھی ممکن نہیں کہ وہ دوسرے کو شکست دے سکے۔ انہوں نے کہا جنیوا میں جاری امن مذاکرات مزید طویل ہو گئے تو شامی حکومت باغیوں کو فائربندی کرنے کی دعوت دے گی۔

ایک سوال پر شام کے نائب وزیر اعظم کا کہنا تھا '' شام میں امن کے لیے بیرونی مداخلت رکنی چاہیے، اور دوطرفہ سیز فائر کے بعد سیاسی عمل شروع کیا جانا چاہیے ۔''

مقبول خبریں اہم خبریں

مقبول خبریں