جوئے باز، حاسد اور ناشکرے لوگ قابل سپاس نہیں: السدیس

العربیہ کی ٹیم اور حج منتظمین کےاعزاز میں استقبالیہ تقریب

پہلی اشاعت: آخری اپ ڈیٹ:
مطالعہ موڈ چلائیں
100% Font Size

سعودی عرب میں الحرمین الشریفین کی دیکھ بحال سے متعلق کمیٹی کے چیئرمین الشیخ ڈاکٹرعبدالرحمان بن عبدالعزیز السدیس نے رواں سال منفرد انداز میں حج اور مناسک حج کی ادائی میں معاونت کرنے والے کارکنوں اور اداروں کو خراج تحسین پیش کیا ہے۔

ان کا کہنا ہے کہ وہ تمام ادارے اور افراد لائق تحسین ہیں جنہوں نے حج جیسے مقدس فریضے کے دوران اللہ کے مہمانوں کی خدمت کی اور فریضہ حج کے دوران امن وسکون قائم رکھنے میں اہم کردار ادا کیا۔ تاہم ناشکرے، جوئے باز اور منافرت پھیلانے والے عناصر کسی ہمدردی اور غمگساری کے قابل نہیں ہیں۔

العربیہ ڈاٹ نیٹ کے مطابق الشیخ السدیس نے ان خیالات کا اظہار "العربیہ" ٹیلی ویژن چینل کی ٹیم اور منتظمین الحرمین الشریفین کے اعزاز میں منعقدہ ایک استقبالیہ تقریب سے خطاب میں کیا۔

انہوں نے کہا کہ اس سال موسم حج کے موقع پر ماضی کی نسبت حج کے انتظامات منفرد طریقے سے کیے گئے تھے۔ یہ ان کارکنوں کی محنت اور خلوص کا نتیجہ ہے جنہوں نے اللہ کے مہمانوں کے لیے اپنا آرام و سکون قربان کیا لیکن حجاج کرام اور عاشاقان رسول کی دن رات خدمت کی۔

انہوں نے کہا کہ حج کے موقع پرحجاج کی خدمت کرنے والے ہمارے بھائی ہمارے لیے باعث فخر ہیں۔ ہم انہیں اپنا سردار سمجھتے ہوئے حد درجہ احترام کا درجہ دیتے ہیں۔ ایسے ہی افراد ہماری قوم کا سرمایہ افتخار ہیں اورعالم اسلام ایسے سپوتوں پرفخر کرتار رہے گا۔

الشیخ السدیس نے جہاں حجاج کرام کی خدمت انجام دینے والے میزبانوں کو خراج تحسین پیش کیا وہیں ملک میں منافرت پھیلانے، جوئے بازی جیسے مکروہ دھندے کرنے اور ناشکری کا مظاہرہ کرنے والوں کی مذمت کی۔ انہوں نے کسی کا نام لیے بغیر کہا کہ "ناشکری کرنے والے، جوئے باز اور منافرت پھیلانے والے حاسد کسی سپاس گذاری کے مستحق نہیں ہیں"۔

امام کعبہ نے حج کے موقع پرالعربیہ ٹی وی کی خدمات کی تعریف کی اور الحرمین الشریفین کا پیغام عالم اسلام تک پہنچانے میں ٹی وی کی انتظامیہ کی پیشہ ورانہ ذمہ داریوں کی انجام دہی کو سراہا۔

مقبول خبریں اہم خبریں