افغانستان: پولیس کے مرکز پر خودکش حملہ، چار افسر ہلاک

ضلعی پولیس سربراہ سمیت 17 زخمی، طالبان نے ذمہ داری قبول کر لی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

ایک خود کش حملہ آور نے بارود سے بھرے ٹرک کو افغانستان کے دارالحکومت کے نزدیک قائم ایک پولیس مرکز سے ٹکرا کر چار پولیس افسروں کو ہلاک جبکہ متعدد کو زخمی کر دیا ہے۔

پیر کے روز ہونے والے اس خوفناک خود کش دھماکے میں پولیس کا مقامی سربراہ بھی زخمی ہو گیا ہے۔

بارہ سال سے امریکا اور نیٹو افواج کے مقابل کھڑے طالبان نے اس واقعے کی ذمہ داری قبول کر لی ہے۔ واضح رہے افغانستان کا صوبہ وردگ جہاں یہ واقعہ پیش آیا ہے کابل کے جنوب مغرب میں واقع ہے۔

سرکاری ذرائع کے مطابق حملہ آور خود کش بمبار نے بارود سے بھرے چھوٹے ٹرک کو ڈیٹو نیٹر سے اڑا دیا۔ جس کے نتیجے میں چار پولیس افسر ہلاک اور 17 دوسرے لوگ زخمی ہو گئے۔

ان زخمیوں میں میں پولیس کے سربراہ عبدالغفور بھی شامل ہیں۔ سرکاری طور پر بھی اس واقعے کی تصدیق کر دی گئی ہے۔

مقبول خبریں اہم خبریں

مقبول خبریں