سعودی وزیرصحت ڈاکٹر عبداللہ الربیعہ عہدے سے سبکدوش

وزیر محنت عادل فقیہ کو وزارت صحت کا اضافی قلم دان سونپ دیا گیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کے فرمانروا شاہ عبداللہ بن عبدالعزیز نے وزیر صحت ڈاکٹر عبداللہ الربیعہ کو ان کے عہدے سے ہٹا دیا ہے اور انھیں شاہی دیوان کا مشیر مقرر کیا ہے۔ان کا نیا عہدہ وزیر کے برابر ہوگا۔

سعودی عرب کی سرکاری خبررساں ایجنسی ایس پی اے کی جانب سے سوموار کو جاری کردہ بیان کے مطابق شاہ عبداللہ نے ایک شاہی فرمان کے ذریعے وزیر صحت عبداللہ بن عبدالعزیز الربیعہ کو ان کے عہدے سے سبکدوش کردیا ہے اور ان کی جگہ وزیر محنت عادل بن محمد بن عبدالقادر فقیہ کو وزارت صحت کا قلم دان سونپ دیا ہے۔وہ وزیر محنت کی حیثیت سے بھی اپنے فرائض انجام دیتے رہیں گے۔

واضح رہے کہ سعودی مملکت میں اتوار کو سارس کی طرح کے وائرس مڈل ایسٹ ریسپائریٹری سینڈروم (مرس) کے تیرہ نئے کیسوں کی اطلاع سامنے آئی تھی۔

مقبول خبریں اہم خبریں

مقبول خبریں