.

سعودی وزیر خارجہ کی روسی صدر پیوتن سے ملاقات

پہلی اشاعت: آخری اپ ڈیٹ:

سعودی عرب کے وزیر خارجہ شہزادہ سعود الفیصل ان دنوں روس کے دورے پر ہیں جہاں وہ آج بروز منگل ساحلی شہر "سوشی" میں صدر ولادی میر پیوتن سے ملاقات کریں گے۔

روسی ٹیلی ویژن 'رشیا ٹو ڈے' نے ذرائع کے حوالے سے بتایا ہے کہ سعودی وزیر خارجہ سعود الفیصل اور صدر پیوتن کے درمیان ہونے والی بات چیت میں شام کا بحران خاص طور پر زیر بحث آئے گا۔ دونوں رہنما شام میں جاری خانہ جنگی کی روک تھام کے لیے اپنے اپنے موقف سے ایک دوسرے کو آگاہ کریں گے۔ اس کے علاوہ ملاقات میں روس۔سعودی عرب دو طرفہ تعلقات پر بھی تبادلہ خیال کیا جائے گا۔

خیال رہے کہ یہ ملاقات ایک ایسے وقت میں ہو رہی ہے جب دونوں ممالک کے درمیان شام کے تنازع پر سرد جنگ چل رہی ہے۔ روس صدر بشار الاسد کی غیر مشروط حمایت جاری رکھے ہوئے ہے جس پر سعودی عرب کی جانب سے اسے مخالفت کا سامنا ہے۔