سپین ائیر پورٹ پر دو طیارے حادثے سے بال بال بچ گئے

واقعے کی وڈیو کو یو ٹیوب پر دس لاکھ سے زائد لوگ دیکھ چکے ہیں

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سپین کے دوسرے بڑے شہر بارسلونا کے ایل پرات ائیرپورٹ پر دو مسافر طیاروں کے حادثے سے بال بال بچنے کی وڈیو کی سوشل میڈیا پر تیزی سے مقبول ہو رہی ہے۔

یوٹیوب پر جاری کردہ اس دل دہلا دینے والی وڈیو میں دیکھا جا سکتا ہے کہ روسی فضائی کمپنی 'اوتیر' کا بوئنگ 767 لینڈنگ کے آخری مرحلے میں تھا کہ عین اسی وقت ارجنٹائن کی فضائی کمپنی کا ایک جہاز ائیربس اے 340 رن پر نمودار ہو گیا۔

لینڈنگ کے لئے پوزیشن لیتے ہوئے روسی بوئنگ کے پائلٹ نے بڑی مہارت کا مظاہرہ کرتے ہوئے جہاز کو انتہائی چابکدستی کا مظاہرہ کرتے ہوئے جہاز فضا میں واپس بلند کر دیا ۔ بعد میں روسی ہواباز نے 'گو ارائونڈ' تکنیک کا استعمال کرتے ہوئے جہاز کو بحفاظت لینڈ کروا دیا، جس کے نتیجے میں ایک المناک ہوتے ہوتے بچا۔

یہ وڈیو میگیوئیل اینجل نامی شخص نے کیمرے کی آنکھ میں محفوظ کر کے یو ٹیوب پر اپ لوڈ کی تھی جسے اب تک دس لاکھ افراد دیکھ چکے ہیں۔

مقبول خبریں اہم خبریں

مقبول خبریں