.

شمال مالی میں لاپتا الجزائر طیارہ گر کر تباہ

110 مسافروں کی ہلاکت کا خدشہ، تلاش کا کام جاری

پہلی اشاعت: آخری اپ ڈیٹ:

الجزائر کی فضائی کمپنی نے تصدیق کی ہے کہ مالی کے شمال میں ان کا لاپتا ہونے والا مسافر طیارہ گر کر تباہ ہو گیا ہے جس کے نتیجے میں جہاز پر سوار 110 مسافر جاں بحق ہو گئے۔ الجزائر کے محکمہ ٹرانسپورٹ کے مطابق جاں بحق ہونے والے 50 فرانسیسی، 6 الجزائری، 4 جرمن، 8 لبنانی اور ایک بدقسمت مسافر کا تعلق بلجیئم سے تھا۔

الجزائر نے طیارہ تباہی میں دہشت گردی کے امکان کے پیش نظر مالی کے سرحدی علاقے میں فوجی تفتیش کار بھجوانے کا اعلان کیا ہے۔ ادھر مالی میں باکومو حکومت نے بھی اپنی فضائی حدود میں الجزائری مسافر جہاز کے لاپتا ہونے کی تصدیق کی ہے۔

الجزائر، فرانس میں فوج چوکس

الجزائر کے ساتھ ساتھ فرانسیسی فوج نے بھی شمال مالی میں تباہ ہونے والے طیارے کی تلاش میں میراج 2000 طرز کے دو لڑاکا جہاز روانہ کئے ہیں۔ الجزائری وزیر اعظم عبدالمالک سلال کا کہنا ہے کہ الجزائری طیارہ مالی کے شہر گاو پر محو پرواز تھا جب اس کا رابطہ کنڑول ٹاور سے منقطع ہوا، انہوں نے مزید کہا کہ جہاز کے ملبے کی تلاش کا کام جاری ہے۔ الجزائر کے لاپتا طیارے کا رابطہ گرینچ کے معیاری وقت 0115 مالی کی فضا میں کںڑول ٹاور سے ختم ہوا۔