.

مصری فوج کا 14 عسکریت پسند ہلاک کرنے کا دعوی

مشتبہ جنگجووں کو سیناء کے شورش زدہ علاقے میں ہلاک کیا گیا

پہلی اشاعت: آخری اپ ڈیٹ:

مصری فوج نے شورش زدہ صحرائے سیناء کے علاقے میں 14 جہادیوں کو فائرنگ کر کے ہلاک کر دیا ہے۔

یہ بات اتوار کے روز مصری فوج کے ایک اعلان میں بتائی گئی۔ سیناء کا علاقہ معزول مصری صدر ڈاکٹر محمد مرسی کے اقتدار ختم ہونے کے بعد سے باغیانہ سرگرمیوں کا گڑھ بنا ہوا ہے۔

سرکاری خبر رساں ادارے مڈل ایسٹ نیوز ایجنسی 'مینا' کے مطابق شمالی سیناء میں شیخ زوید کے علاقے میں ہفتے کے روز ہونے والے تصادم میں 47 افراد کو گرفتار کیا گیا۔

درایں اثناء عسکریت پسندوں کے گڑھ الجورہ میں ایک مکان پر مارٹر گولا کرنے سے چار بچے ہلاک ہو گئے۔ سنہ 2013 میں صدر مرسی کی حکومت خاتمے کے بعد علاقے میں عسکری کارروائیوں کے اندر تیزی دیکھنے میں آئی ہے۔

عسکریت پسند اپنے حملوں میں زیادہ تر سیکیورٹی اہلکاروں کو نشانہ بناتے ہیں تاہم ان حملوں میں عام شہریوں کی ہلاکت بھی رونما ہونے کی اطلاعات موصول ہوتی رہتی ہیں۔

مصری فوج نے عسکریت پسندوں کی بیخ کنی کے لئے جزیرے میں بکتر بند گاڑیاں اور فوجی کمک بڑی تعداد میں ارسال کی ہے۔ ان عسکریت پسندوں نے قاہرہ سمیت ملک کے دوسرے شہروں کو اپنے کار بم حملوں کا نشانہ بنایا ہے۔