سرکاری ریکارڈ کا کمال غیر شادی شدہ سعودی شادی شدہ قرار

محمد الجفالی سرکاری کھاتے میں 5 سال پہلے سے شادی شدہ ہے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

ایک سعودی شہری نے اپنی منگیتر کا نام اپنے نام کے ساتھ سماجی امور کے سرکاری محکمے کے پاس درج کرانا چاہا تو اس خبر دی گئی کہ وہ سرکاری ریکارڈ کے مطابق پانچ سال پہلے سے ہی شادی شدہ چلا آ رہا ہے۔

سعودی شہری محمد الجفالی ان دنوں اپنی شادی کی تیاری میں ہے اور اپنی ممکنہ بیوی کا اپنے نام کے حوالے سے شناختی کارڈ جلد سے جلد حاصل کرنے کی کوشش میں ہے۔

اس سلسلے میں سرکاری محکمے سے رابطہ کرنے پر انکشاف کیا گیا کہ وہ تو پہلے سے شادی شدہ ہے اور اس کے ساتھ یہ ''خوشگوار واردات '' سرکاری ریکارڈ میں پانچ سال پہلے ہی ہو گئی تھی۔

اس نئی صورتحال میں محمد الجفالی کو سماجی امور کے محکمے کے مرکزی دفتر جا کر ثابت کرنا پڑا کہ وہ شادی شدہ نہیں ہے۔ اسے صرف سرکاری ریکارڈنے یہ '' اعزاز '' بخش دیا ہے۔

الجفالی کے مطابق سرکاری محکمے کے سربراہ نے اسے یقین دہانی کرائی ہے کہ اس سنگین غلطی کے مرتکب سرکاری اہلکار کے خلاف کڑی کارروائی کی جائے گی۔ الجفالی کو یہ یقین دہانی اس کی طرف سے مطالبے کے بعد کرائی گئی ہے۔

مقبول خبریں اہم خبریں

مقبول خبریں