برطانوی جنگی طیارے نے قطری مسافر طیارہ اتار لیا

پائیلٹ کے انتباہ کے بعد مانچسٹر کے ہوائی اڈے پر برطانوی فضائیہ کی فوری کارروائی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

برطانیہ کے شاہی فضائیہ کے ایک جنگی طیارے نے قطر ائیر ویز کی ایک مسافر پرواز کو گھیرے میں لے کر بحفاظت مانچسٹر کے ہوائی اڈے پر اتار لیا ہے۔

مانچسٹر ایوننگ نیوز کی اطلاع کے مطابق قطری طیارے کے پائیلٹ نے مبینہ طور پر پرواز میں ایک ممکنہ ڈیوائس کے موجود ہونے کی اطلاع دی تھی جس کے بعد اس کو برطانیہ کے جیٹ طیارے نے گھیرے میں لے لیا۔

گریٹ مانچسٹر پولیس کا کہنا ہے کہ فوری طور پر یہ معلوم نہیں ہوسکا کہ ڈیوائس کا خطرہ واقعی حقیقی تھا۔مسافر پرواز کو اتارنے کے دوران مانچسٹر کے ہوائی اڈے کو مختصر وقت کے لیے بند کردیا گیا تھا۔تاہم پولیس کا کہنا ہے کہ ائیرپورٹ معمول کے مطابق کام کرتارہا تھا۔

برطانیہ کی وزارت دفاع نے اس بات کی تصدیق کی ہے کہ ایک ٹائفون طیارے کو قطری مسافر طیارے کے پائیلٹ کی درخواست پر فوری طور پر بھیجا گیا تھا۔اس نے قطری طیارے کو مانچسٹر کے ہوائی اڈے پر بحفاظت اتار لیا ہے اور اب سول حکام اس واقعہ کی مزید تحقیقات کررہے ہیں۔

مقبول خبریں اہم خبریں

مقبول خبریں