.

بمباری سے اِنکار پر شامی فضائیہ کے تین ہواباز قتل

پہلی اشاعت: آخری اپ ڈیٹ:

شام کے ملٹری انٹیلی جنس حکام نے حکومت مخالف شہریوں پر بمباری کے احکامات ماننے سے انکار کی پاداش میں تین پائلٹ قتل کر دیے ہیں۔

العربیہ ڈاٹ نیٹ کے مطابق تینوں ہوابازوں کو کہا گیا تھا کہ وہ حماتۃ فوجی اڈے سے شہر کے شمالی اور مغربی مقامات پر باغیوں کے ٹھکانوں پر گولہ باری کریں تاہم انہوں نے ایسا کرنے سے صاف انکار کر دیا تھا۔

ہوابازوں کی جانب سے بمباری سے انکار اس وقت کیا گیا جب یہ اطلاع آئی کہ انقلابی کارکنوں‌ نے طیارہ شکن میزائل سے ایک جنگی جہاز مار گرایا ہے۔ انکاری فوجی ہوابازوں کو بھی باغیوں کے حملوں کا خطرہ لاحق تھا، جس پر انہوں نے اعلیٰ حکام کے احکامات مسترد کر دیے اور اس کی پاداش میں انہیں قتل کر دیا گیا ہے۔

نیوز ویب پورٹ" سراج پریس" کے مطابق قتل کیے گئے ہوابازوں کی شناخت بریگیڈ جنرل احمد غانم، کرنل سامی رزق اور کرنل نوفل دیوب کے ناموں سے کی گئی ہے۔