برصغیر پاک وہند میں القاعدہ کی نئی شاخ کا اعلان

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

القاعدہ کے سربراہ ڈاکٹر ایمن الظواہری نے بدھ کو جاری کردہ ایک ویڈیو بیان میں برصغیر پاک وہند کے لیے اپنی تنظیم کی ایک نئی شاخ کے قیام کا اعلان کیا ہے۔

جہادی اور دہشت گرد گروپوں کی آن لائن مانیٹرنگ کرنے والے امریکا میں قائم گروپ ''سائٹ'' کے مطابق جہادی فورمز پر پوسٹ کی گئی ایک ویڈیو میں ڈاکٹر ایمن الظواہری نے کہا ہے کہ ان کی نئی جنگجو تنظیم برما (میانمر) ،بنگلہ دیش اور بھارت کے کچھ حصوں میں مسلم خلافت کے قیام کے لیے کام کرے گی۔

واضح رہے کہ پاکستان اور جنوبی ایشیا کے ان ممالک کے لیے پہلے برصغیر پاک وہند کی اصطلاح استعمال کی جاتی رہی ہے لیکن اب یہ قریب قریب متروک ہوچکی ہے اور اس کے بجائے جنوبی ایشیا ہی کی اصطلاح استعمال کی جاتی ہے۔

ڈاکٹر ایمن الظواہری نے ایسے وقت میں القاعدہ کی اس نئی شاخ کا اعلان کیا ہے جب القاعدہ سے ہی ماضی میں وابستہ ایک سخت گیر جنگجو گروپ دولت اسلامی نے عراق وشام میں اپنے زیر قبضہ علاقوں میں خلافت کے نام سے اپنی حکومت قائم کررکھی ہے اور وہ اپنے مخالفین کو سنگین سزائیں دے کر موت سے ہم کنار کررہے ہیں جس پر انسانی حقوق کی تنظیموں اور عالمی اداروں کی جانب سے سخت تشویش کا اظہار کیا جارہا ہے۔

مقبول خبریں اہم خبریں

مقبول خبریں