القاعدہ نے یمن میں 15 فوجی یرغمال بنا لیے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

یمن کے سیکیورٹی اور قبائلی ذرائع نے اطلاع دی ہے کہ ملک کے مغربی ضلع الحدیدہ میں شدت پسند تنظیم القاعدہ کے جنگجوئوں نے ایک فوجی کیمپ پر حملہ کرکے کم سے کم 13 فوجیوں کو ہلاک اور 15 یر غمال بنا لیا ہے۔

یمنی سیکیورٹی ذرائع نے خبر رساں ایجنسی’’اے ایف پی‘‘ کو بتایا کہ القاعدہ کے شدت پسندوں نے رات کی تاریکی میں بحر احمر کے کنارے واقع الحدیدہ شہر کے جبل قصبے میں قائم فوجی کیمپ پر دھاوا بول دیا جس کے نتیجے میں تیرہ فوجی ہلاک اور پندرہ یرغمال بنا لیے گئے۔ جوابی کارروائی میں تین حملہ آور بھی ہلاک ہوگئے تاہم عسکریت پسند کیمپ پر قبضے میں کامیاب رہے اور اخری اطلاعات تک کیمپ پرالقاعدہ کا قبضہ چھڑایا نہیں جا سکا۔

ایک مقامی قبائلی رہ نما نے بتایا کہ الحدیدہ میں فوجی کیمپ پرالقاعدہ کے حملے کے بعد فوج کی مزید نفری طلب کر لی گئی ہے جبکہ دوسری جانب کیمپ کا قبضٰہ چھڑانے اور یرغمال فوجیوں کی رہائی کے لیے مذاکرات بھی شروع ہو گئے ہیں۔ قبائلی ذریعے نے بتایا کہ مقامی قبائل القاعدہ کی تحویل میں موجود فوجیوں کی جان بچانے اور ان کی رہائی کے لیے ثالثی کی کوشش کر رہے ہیں۔

الحدیدہ سے قریب ہی ایب گورنری میں بھی القاعدہ کے جنگجو اپنے حریف شیعہ شدت پسند گروپ انصاراللہ کے ساتھ جھڑپوں کے بعد ان کے کئی ٹھکانوں پر قبضہ کرنے میں کامیاب ہو گئے ہیں۔

مقبول خبریں اہم خبریں

مقبول خبریں