ایران کے جنگی بحری جہاز خلیجِ عدن کی جانب روانہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

ایران کی بحریہ نے جنگی جہازوں پر مشتمل ایک گروپ خلیجِ عدن کی جانب روانہ کیا ہے۔

ایران کی سرکاری خبررساں ایجنسی ایرنا کی اطلاع کے مطابق یہ نیول گروپ تباہ کن جنگی بحری جہازوں پر مشتمل ہے اور یہ صوبہ ہرمزگان کے دارالحکومت بندرعباس کی بندرگاہ سے خلیج عدن کی جانب بھیجا گیا ہے۔

ایرنا نے مزید بتایا ہے کہ یہ بحری گروپ اپنے مشن کی تکمیل کے لیے آبنائے ہرمز،بحیرہ اومان ،ساحل مکران ،بحر ہند کے شمالی حصے اور باب المنداب سے ہوتا ہوا خلیج عدن کی جانب جائے گا۔

ایجنسی کا کہنا ہے کہ ان بحری جنگی جہازوں کو خلیج عدن کی جانب بھیجنے کا مقصد بین الاقوامی پانیوں میں ایران کے میری ٹائم مفادات کا تحفظ کرنا ہے۔یہ بحری گروپ ایرانی پرچم بردار تجارتی اور تیل بردار بحری جہازوں کا تحفظ کرے گا اور اس کے ساتھ ساتھ خلیج عدن میں غیرملکی بحری جہازوں کو ہنگامی صورت حال میں مدد بھی دے گا۔

مقبول خبریں اہم خبریں

مقبول خبریں