تیونس: النہضہ کا حکومت کو اعتماد کا ووٹ نہ دینے کا فیصلہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

تیونس میں پارلیمنٹ میں دوسری بڑی سیاسی جماعت تحریک النہضہ نے نو منتخب وزیر اعظم الحبیب الصید کو اعتماد کا ووٹ نہ دینے کا فیصلہ کیا ہے اور کہا کہ الصید کی حکومت قوم کی نمائندہ نہیں ہے۔ اس لیے تحریک النہضہ ان کے ساتھ تعاون نہیں کرے گی۔

خیال رہے کہ تیونس میں نو منتخب وزیر اعظم الحبیب الصید نے گذشتہ جمعہ کو نئی کابینہ تشکیل دینے کا اعلان کیا تھا۔ الصید سابق مفرور صدر زین العابدین بن علی کے دور حکومت میں اہم عہدوں پر کام کر چکے ہیں۔ انہوں نے قومی حکومت کی تشکیل کا اعلان کیا مگر اس میں تحریک النہضہ کے کسی رکن کو شامل کرنے کا عندیہ نہیں دیا ہے۔

یاد رہے کہ تیونس کی سیکولر جماعت ندائے تیونس نے گذشتہ برس نومبر میں ہونے والے انتخابات میں بھاری اکثریت کے ساتھ کامیابی حاصل کی تھی۔ انتخابات میں ملک کی اعتدال پسند مذہبی سیاسی جماعت تحریک النہضہ کو شکست کا سامنا کرنا پڑا تھا۔

مقبول خبریں اہم خبریں

مقبول خبریں