.

طائف میں پولیس کا آپریشن، تین دہشت گرد گرفتار، ایک اہلکار شہید

پہلی اشاعت: آخری اپ ڈیٹ:

سعودی عرب کی پولیس اور سیکیورٹی فورسز نے طائف شہر میں ایک مکان میں چھاپے دہشت گردوں کی گرفتاری کے لیے آپریشن کے دوران کم سے کم تین "داعشی" دہشت گردوں کو حراست میں لے لیا ہے، جب کہ آپریشن کے دوران ایک سیکیورٹی اہلکار شہید ہوگیا۔

العربیہ ڈاٹ نیٹ کے مطابق سعودی وزارت داخلہ کے ترجمان میجر جنرل منصور الترکی نے بتایا کہ پولیس نے جمعہ کے روز مقامی وقت کے مطابق 4:30 بجے طائف گورنری کی مشرقی کالونی میں ایک اشتہاری کی گرفتاری کے لیے چھاپہ مارا۔ اس دوران دہشت گردوں نے مکان کے اندر سے پولیس ٹیم پر فائرنگ کردی جس کے نتیجے میں ایک پولیس اہلکار شہید ہوگیا۔ پولیس نے جوابی فائرنگ کی جس کے بعد دہشت گردوں نے خود کو حکام کے حوالے کردیا۔ دہشت گردوں کے قبضے سے عراق اور شام میں سرگرم شدت پسند تنظیم دولت اسلامیہ عراق وشام "داعش" کے پرچم، سائلنسر اور لیپ ٹاپ قبضے میں لیے گئے ہیں۔

ترجمان نے دہشت گردوں کی گرفتاری کے لیے کیے گئے آپریشن میں شہید اہلکار کی شناخت فرسٹ سارجنٹ عوض سراج المالکی کے نام سے کی ہے۔ وزارت داخلہ نے ایک دوسرے اشتہاری یوسف عبدالطیف شباب الغامدی کی گرفتاری میں مدد فراہم کرنے والوں کے لیے انعام کا بھی اعلان کیا ہے۔