.

یمنی مزاحمت کاروں کو تعز میں اہم عسکری کامیابی

پہلی اشاعت: آخری اپ ڈیٹ:

یمن کے اسٹرٹیجک اہمیت کے شہر تعز میں سرگرم عوامی مزاحمت نے صالح اور حوثی ملیشیا کے 40 جنگجووں کو ہلاک اور 100 دوسروں کو زخمی کرنے کا دعوی کیا ہے۔ یہ جنگجو جبل صبر اور زیر نگین اہم پوزیشنز پر عوامی مزاحمت کاروں اور باغی ملیشیا کے درمیان جھڑپوں کے دوران ہلاک ہوئے۔

مزاحمتی ملیشیا کے کمان ذرائع نے بتایا کہ وہ اہم پہاری مراکز پر قبضہ کے بعد اسٹرٹیجک اہمیت کے جبل عروس کی جانب پیش قدمی کر رہے ہیں۔ مزاحمتی جنگجووں کے حملوں سے بچنے کے لئے فرار ہونے والے اہم حوثی کمانڈر اور جنگجووں کی تلاش کی خاطر آپریشن جاری ہے۔

دوسری جانب مختلف علاقوں سے بھی پرتشدد جھڑپوں کی اطلاعات آ رہی ہیں۔ درایں اثنا اتحادی فوج کے لڑاکا طیاروں نے تعز کے مغربی علاقے میں 35 انفرنٹری بریگیڈ کے فوجی اہمیت کے ٹھکانوں پر گولا باری کی۔